ഇടുക്കി: ചിന്നക്കനാലിൽ കിഡ്‌നാപ്പ് കേസ് പ്രതികളെ പിടിക്കാനെത്തിയ പൊലീസുകാർക്ക് നേരെ പ്രതികളുടെ ആക്രമണം. കായംകുളം പൊലീസ് സംഘത്തിന് നേരെയാണ് പ്രതികൾ ആക്രമണം നടത്തിയത്. സിവിൽ പൊലീസ് ഓഫീസർ ദീപക്കിന് കുത്തേറ്റു. പുലർച്ച രണ്ട് മണിയോടെയാണ് ആക്രമണമുണ്ടായത്. ഹോട്ടലുടമ റിഹാസിനെ തട്ടിക്കൊണ്ട് പോയി മർദ്ദിച്ച കേസിലെ പ്രതികളെ തേടിയായിരുന്നു പൊലീസ് സംഘം ചിന്നക്കനാലിലെത്തിയത്. പ്രതികളിൽ രണ്ട് പേരെ പിടികൂടിയപ്പോൾ മറ്റുള്ളവർ കൂട്ടമായെത്തി ആക്രമിക്കുകയായിരുന്നു.

കസ്റ്റഡിയിലെടുത്ത പ്രതികളെ ഇവർ രക്ഷപ്പെടുത്തി. പൊലീസ് വാഹനത്തിന്റെ താക്കോലും ഔരിയെടുത്തുകൊണ്ട് പോയി. എസ് ഐ അടക്കം 5 പൊലീസുകാരായിരുന്നു സംഘത്തിലുണ്ടായിരുന്നത്. പരിക്കേറ്റവർ മൂന്നാർ ടാറ്റാ ടീ ആശുപത്രിയിൽ ചികിത്സയിലാണ്. സമീപ സ്റ്റേഷനുകളിലെ പൊലീസുകാരെത്തിയാണ് കായംകുളം പൊലീസ് സംഘത്തെ രക്ഷപ്പെടുത്തിയത്.

 

ആക്രമണം