അർത്തുങ്കലിൽ കൂട്ടുകാരോടൊപ്പം കടലിൽ കുളിക്കാനിറങ്ങി തിരയിൽപ്പെട്ടു കാണാതായി; പതിനെട്ടുക്കാരനായി തിരച്ചിൽ

ആലപ്പുഴ: അർത്തുങ്കലിൽ കൂട്ടുകാരോടൊപ്പം കടലിൽ കുളിക്കാനിറങ്ങിയ പതിനെട്ടുകാരനെ കാണാതായി. അർത്തുങ്കൽ പറമ്പിൽ ഹൗസിൽ സഹദേവന്റെയും സുജയുടെയും മകൻ അഭിഷേകിനെ (18) ആണ് കടൽ തിരയിൽപ്പെട്ട് കാണാതായത്.

വെള്ളിയാഴ്ച വൈകിട്ട് മൂന്ന് കൂട്ടുകാരോടൊപ്പം അർത്തുങ്കൽ ഹാർബറിന് തെക്കുവശം, ജനക്ഷേമം ബീച്ചിനു സമീപം കടലിൽ കുളിക്കാൻ ഇറങ്ങിയതായിരുന്നു. അർത്തുങ്കൽ കോസ്റ്റൽ പൊലീസും ഫയർഫോഴ്‌സും തിരച്ചിൽ നടത്തുന്നുണ്ട്.