പാണ്ടിക്കാട് നിയന്ത്രണം വിട്ട ബസ് മരത്തിലിടിച്ചു; ഒരു കുട്ടിയടക്കം 14 പേർക്ക് പരിക്ക്

മലപ്പുറം: മലപ്പുറം പാണ്ടിക്കാട് നിയന്ത്രണം വിട്ട ബസ് മരത്തിലിടിച്ച് 14 യാത്രക്കാർക്ക് പരിക്കേറ്റു. പരിക്കേറ്റവരെ പാണ്ടിക്കാട് സ്വകാര്യ ആശുപത്രിയിൽ പ്രവേശിപ്പിച്ചു.പരിക്കേറ്റവരിൽ ഒരു കുട്ടിയുമുണ്ട്. ആരുടേയും പരിക്ക് ഗുരുതരമല്ല.

ഉച്ചയ്ക്ക് രണ്ടു മണിയോടെയാണ് അപകടം. നിയന്ത്രണം വിട്ട് ബസ് മരത്തിലിടിക്കുകയായിരുന്നു. ബസ് അമിതവേഗതയിലായിരുന്നില്ല. മഴ പെയ്ത് റോഡ് നനഞ്ഞു കിടന്നതാകാം അപകടകാരണമെന്നാണ് നിഗമനം.