വയനാട്ടിൽ അമ്മയെയും അഞ്ചുമക്കളെയും കാണാതായിട്ട് നാലു ദിവസം; കമ്പളക്കാട് കൂടോത്തുമ്മലിൽ താമസിക്കുന്ന വിമിജയേയും മക്കളേയും കണ്ടെത്താൻ അന്വേഷണം

കൽപ്പറ്റ: വയനാട്ടിൽ അമ്മയെയും അഞ്ചുമക്കളെയും കാണാതായിട്ട് നാലു ദിവസം. കമ്പളക്കാട് കൂടോത്തുമ്മലിൽ താമസിക്കുന്ന വിമിജ മക്കളായ വൈഷ്ണവ്( 12), വൈശാഖ് (11), സ്നേഹ (9) അഭിജിത്ത് (5) ശ്രീലക്ഷ്മി (4) എന്നിവരെയാണ് ഈ മാസം 18 മുതൽ കാണാതായത്.

ചേളാരിയിലുള്ള സ്വന്തം വീട്ടിലേക്കെന്ന് പറഞ്ഞാണ് വിമിജ മക്കളെയും കൂട്ടി യാത്രയായത്. ഫോണിൽ ബന്ധപ്പെടാൻ കഴിയാതെ വന്നതിനു പിന്നാലെ ബന്ധുക്കൾ പൊലീസിൽ പരാതി നൽകുകയായിരുന്നു. അന്വേഷണം ആരംഭിച്ചതായി പൊലീസ് അറിയിച്ചു.