തിരുവനന്തപുരം: വ്യക്തികളുടെ ലൈംഗികദൃശ്യങ്ങൾ ഓൺലൈനിൽ ചിത്രീകരിച്ച് മറ്റുള്ളവർക്ക് അയച്ചുകൊടുക്കുമെന്നു ഭീഷണിപ്പെടുത്തിയും അല്ലാതെയും പണംതട്ടുന്നതുൾപ്പെടെയുള്ള സംഭവങ്ങൾ വാട്സാപ്പ് വഴി പൊലീസിനെ അറിയിക്കാം. 9497980900 എന്ന നമ്പറിൽ വാട്‌സാപ്പായി അറിയിക്കാം. സാമ്പത്തിക കുറ്റകൃത്യങ്ങൾ അറിയിക്കുന്നതിനുള്ള വാട്സാപ്പ് നമ്പരാണിത്. ബ്ലാക്ക് മെയിലിങ്, മോർഫിങ് മുതലായ കുറ്റകൃത്യങ്ങളും ഓൺലൈൻ സാമ്പത്തികത്തട്ടിപ്പുകളും ഈ നമ്പരിലൂടെ വാട്സാപ്പായി അറിയിക്കാനാകും.

ടെക്സ്റ്റ്, ഫോട്ടോ, വീഡിയോ, ശബ്ദസന്ദേശം എന്നീ മാർഗങ്ങളിലൂടെ പരാതി നൽകാം. എന്നാൽ, ഈ നമ്പരിലേക്കു നേരിട്ടു വിളിക്കാനാവില്ല. ഈ സംവിധാനം 24 മണിക്കൂറും പ്രവർത്തിക്കും. ആവശ്യമുള്ള പക്ഷം പരാതിക്കാരെ തിരികെവിളിച്ച് പൊലീസ് വിവരങ്ങൾ ശേഖരിക്കും. പൊലീസ് ആസ്ഥാനത്താണ് ഈ സംവിധാനം പ്രവർത്തിക്കുന്നത്.