തിരുവനന്തപുരം: സർക്കാർ ഭരണഭാഷാ പുരസ്‌ക്കാരങ്ങൾ പ്രഖ്യാപിച്ചു. മികച്ച വകുപ്പിനുള്ള ഭരണഭാഷാ പുരസ്‌കാരത്തിനു സാമ്പത്തിക സ്ഥിതിവിവരക്കണക്ക് വകുപ്പിനെയും, മികച്ച ജില്ലയായി മലപ്പുറം ജില്ലയെയും തിരഞ്ഞെടുത്തു. ഭരണഭാഷാ മാറ്റ പ്രവർത്തനങ്ങൾ ഏകോപിപ്പിച്ചതിനാണു പുരസ്‌കാരം. മികച്ച വകുപ്പിന് 25,000 രൂപയും ഫലകവും പ്രശസ്തിപത്രവും മികച്ച ജില്ലയ്ക്ക് 20,000 രൂപയും ഫലകവും പ്രശസ്തിപത്രവും പുരസ്‌കാരമായി ലഭിക്കും.
ഭരണഭാഷാ സേവന പുരസ്‌കാരം ക്ലാസ് 1 വിഭാഗം
ഒന്നാംസ്ഥാനം ഡോ. സി.എസ്.പ്രദീപ്, ജില്ലാ മെഡിക്കൽ ഓഫീസർ(ഹോമിയോ), ജില്ലാ മെഡിക്കൽ ഓഫീസ്, കൊല്ലം.
രണ്ടാംസ്ഥാനം ഡോ. ശ്രീവൃന്ദാ നായർ എൻ., അസിസ്റ്റന്റ് പ്രൊഫസർ, എൻ.എസ്.എസ്. ട്രെയിനിങ് കോളേജ്, പന്തളം, പത്തനംതിട്ട.
ക്ലാസ് 2 വിഭാഗം
ഒന്നാംസ്ഥാനം ഡോ. സീന എസ്.ടി. കാറ്റലോഗ് അസിസ്റ്റന്റ്, നിയമസഭാ സെക്രട്ടേറിയറ്റ്, തിരുവനന്തപുരം.
രണ്ടാംസ്ഥാനം നജിമുദ്ദീൻ കെ., ജൂനിയർ സൂപ്രണ്ട്, വിദ്യാഭ്യാസ ഉപ ഡയറക്ടറേറ്റ്, തിരുവനന്തപുരം.
ക്ലാസ് 3 വിഭാഗം
ഒന്നാംസ്ഥാനം നന്ദലാൽ ആർ., സീനിയർ ക്ലാർക്ക്, ജില്ലാ മെഡിക്കൽ ഓഫീസ് ഹോമിയോപ്പതി, കാസർകോട്.
രണ്ടാംസ്ഥാനം അജിതറാണി ടി.ഇ., സീനിയർ ക്ലാർക്ക്, വിജിലൻസ് ആൻഡ് ആന്റി കറപ്ഷൻ ബ്യൂറോ, ദക്ഷിണമേഖല തിരുവനന്തപുരം.
(ടൈപ്പിസ്റ്റ്/കംപ്യൂട്ടർ അസിസ്റ്റന്റ്/സ്റ്റെനോഗ്രാഫർ)
ഒന്നാംസ്ഥാനം ജാസ്മിൻ എം.എ., സെലക്ഷൻ ഗ്രേഡ് ടൈപ്പിസ്റ്റ്, സഹകരണസംഘം ജോയിന്റ് രജിസ്ട്രാർ (ജനറൽ ഓഫീസ്), ആലപ്പുഴ.
രണ്ടാംസ്ഥാനം രമ്യ എസ്. യു.ഡി. ടൈപ്പിസ്റ്റ്, കളക്ടറേറ്റ്, റവന്യൂ വകുപ്പ്, തിരുവനന്തപുരം.
