മട്ടന്നൂർ: കണ്ണൂർ വിമാനത്താവളത്തിൽ യാത്രക്കാരനിൽനിന്ന് സ്വർണം പിടികൂടി. 61.5 ലക്ഷം രൂപയുടെ സ്വർണവുമായി വയനാട് സ്വദേശി അൻവർ സാദത്താണ് അറസ്റ്റിലായത്. തിങ്കളാഴ്ച രാവിലെ ബഹ്റൈനിൽനിന്ന് എയർഇന്ത്യ എക്സ്‌പ്രസ് വിമാനത്തിലെത്തിലാണ് ഇയാൾ എത്തിയത്. 1010 ഗ്രാം സ്വർണമാണ് ഇയാളിൽ നിന്നും പിടികൂടിയത്.

്‌പേസ്റ്റ് രൂപത്തിലുള്ള സ്വർണം നാല് ഗുളികകളാക്കി ശരീരത്തിനുള്ളിൽ ഒളിപ്പിച്ചാണ് കടത്താൻ ശ്രമിച്ചത്. കസ്റ്റംസ് അസി. കമ്മിഷണർ ഇ.വി. ശിവരാമൻ, സൂപ്രണ്ടുമാരായ ഗീതാകുമാരി, ദീപക് കുമാർ, സുമിത് കുമാർ, ഇൻസ്പെക്ടർമാരായ രവിചന്ദ്ര, രവി രഞ്ജൻ, അനുപമ, ഹവിൽദാർമാരായ ഗിരീഷ് ബാബു, കൃഷ്ണവേണി തുടങ്ങിയവരുടെ നേതൃത്വത്തിലായിരുന്നു പരിശോധന.