തൃശ്ശൂർ: വാൽപ്പാറയിലുണ്ടായ പുലിയുടെ ആക്രമണത്തിൽ ഏഴു വയസ്സുകാരന് ഗുരുതരമായി പരിക്കേറ്റു. വീടിന് പുറത്ത് കളിച്ചു കൊണ്ടിരിക്കുമ്പോഴാണ് കുട്ടിയെ പുലി ആക്രമിച്ചത്. സിരുഗുൺട്ര എസ്റ്റേറ്റിൽ വൈകിട്ട് നാല് മണിയോടെയാണ് സംഭവം നടന്നത്. പുലിയുടെ ആക്രമണത്തിൽ കുട്ടിയുടെ തലയ്ക്ക് ഗുരുതരമായി പരിക്കേറ്റു. ദേഹത്ത് വേറെയും പരിക്കുകളുണ്ട്. അസം സ്വദേശികളായ അതിഥി തൊഴിലാളികളുടെ മകനാണ് പുലിയുടെ ആക്രമണത്തിന് ഇരയായത്. കുട്ടി മലക്കപ്പാറ സർക്കാർ ആശുപത്രിയിൽ ചികിത്സയിലാണ്.