വനിത കമ്മിഷൻ സംസ്ഥാന സെമിനാർ നവംബർ 15ന് വാഴക്കുളത്ത്
കൊച്ചി: വനിത കമ്മിഷനും വാഴക്കുളം ബ്ലോക്ക് പഞ്ചായത്തും സംയുക്തമായി നവംബർ 15ന് വാഴക്കുളം സർവീസ് സഹകരണ ബാങ്ക് ഹാളിൽ സംസ്ഥാന സെമിനാർ സംഘടിപ്പിക്കും. അതിഥി തൊഴിലാളികളുടെ പ്രശ്നങ്ങൾ, സ്ത്രീകളും സംരക്ഷണ നിയമങ്ങളും എന്നീ വിഷയങ്ങളിലാണ് സെമിനാർ. രാവിലെ 10ന് വനിത കമ്മിഷൻ അധ്യക്ഷ അഡ്വ. പി. സതീദേവി സെമിനാർ ഉദ്ഘാടനം ചെയ്യും. വനിത കമ്മിഷൻ അംഗം അഡ്വ. എലിസബത്ത് മാമ്മൻ മത്തായി അധ്യക്ഷത വഹിക്കും.
വാഴക്കുളം ഗ്രാമപഞ്ചായത്ത് പ്രസിഡന്റ് ഗോപാൽ ഡിയോ മുഖ്യാതിഥിയാകും. വാഴക്കുളം ബ്ലോക്ക് പഞ്ചായത്ത് പ്രസിഡന്റ് കെ.എം. അൻവർ അലി, ബ്ലോക്ക് പഞ്ചായത്ത് വൈസ് പ്രസിഡന്റ് അജി ഹക്കീം, ബ്ലോക്ക് പഞ്ചായത്ത് മെമ്പർ കെ.എം. മുഹമ്മദ് സിറാജ്, വാഴക്കുളം ഗ്രാമപഞ്ചായത്തംഗം എം.കെ. മുരളീധരൻ, ശിശുവികസന ഓഫീസർമാരായ വി.എ. റഷീദ, ഡോ. ജയന്തി പി നായർ, സിഡിഎസ് ചെയർപേഴ്സൺ ഷെമീന അബ്ദുൾ ഖാദർ, വാഴക്കുളം സർവീസ് സഹകരണ ബാങ്ക് പ്രസിഡന്റ് അഡ്വ. പുഷ്പ ദാസ് എന്നിവർ സംസാരിക്കും. അതിഥി തൊഴിലാളികളുടെ പ്രശ്നങ്ങൾ എന്ന വിഷയത്തിലുള്ള ക്ലാസ് തടിയിട്ടപറമ്പ് എസ്എച്ച്ഒ നയിക്കും. സ്ത്രീകളും സംരക്ഷണ നിയമങ്ങളും എന്ന വിഷയം അഡ്വ. എം.ബി. ഷൈനി നയിക്കും.
