പാലക്കാട്: ഡിസംബർ ഒന്നുമുതൽ മൂന്നുവരെ പാലക്കാട് ജില്ലയിൽ നടക്കുന്ന നവകേരള സദസ്സിനോടനുബന്ധിച്ച് ജില്ലാ ഇൻഫർമേഷൻ ഓഫീസിന്റെ ആഭിമുഖ്യത്തിൽ പൊതുജനങ്ങൾക്കായി സെൽഫി വീഡിയോ മത്സരം സംഘടിപ്പിക്കുന്നു. ഭാവികേരളം എന്ന വിഷയത്തെ ആസ്പദമാക്കി രണ്ടുമിനിട്ടിൽ അധികരിക്കാത്ത സെൽഫി വീഡിയോ ആണ് അയയ്ക്കേണ്ടത്. മികച്ച ആശയങ്ങൾ അവതരിപ്പിക്കുന്ന ആദ്യ മൂന്ന് വീഡിയോകൾക്ക് യഥാക്രമം 5000, 3000, 2000 രൂപ വീതം സമ്മാനം നൽകും. വീഡിയോകൾ നവംബർ 22 വൈകിട്ട് അഞ്ചിനകം 9446317767 എന്ന വാട്സ്ആപ് നമ്പറിൽ ലഭിക്കണം. പേര്, വിലാസം, ഫോൺ നമ്പർ, ഇമെയിൽ വിലാസം എന്നിവയും രേഖപ്പെടുത്തണം. ഒരു മത്സരാർത്ഥി ഒരു വീഡിയോ മാത്രമേ അയയ്ക്കാവൂ.

ഡിസംബർ ഒന്നിന് തൃത്താല, പട്ടാമ്പി, ഷൊർണൂർ, ഒറ്റപ്പാലം നിയോജകമണ്ഡലങ്ങളിലും ഡിസംബർ രണ്ടിന് പാലക്കാട്, മലമ്പുഴ, കോങ്ങാട്, മണ്ണാർക്കാട് നിയോജകമണ്ഡലങ്ങളിലും ഡിസംബർ മൂന്നിന് ചിറ്റൂർ, നെന്മാറ, ആലത്തൂർ, തരൂർ നിയോജകമണ്ഡലങ്ങളിലുമാണ് നവകേരള സദസ് നടക്കുക.