ദേശീയപാതയിൽ ഓടിക്കൊണ്ടിരുന്ന മണ്ണുമാന്തി യന്ത്രം കത്തിനശിച്ചു

പാലക്കാട്: പാലക്കാട് കുഴൽമന്ദത്ത് ദേശീയപാതയിൽ ഓടിക്കൊണ്ടിരുന്ന മണ്ണുമാന്തി യന്ത്രം കത്തിനശിച്ചു. ഓടിക്കൊണ്ടിരുന്ന മണ്ണുമാന്തി യന്ത്രത്തിന് തീപിടിക്കുകയായിരുന്നു. തീപിടിത്തത്തിൽ മണ്ണുമാന്തി യന്ത്രം കത്തിനശിച്ചു. വടക്കഞ്ചേരി സ്വദേശി ജോർജിന്റെ ഉടമസ്ഥതയിലുള്ള മണ്ണുമാന്തി യന്ത്രമാണ് കത്തിനശിച്ചത്. പാലക്കാട് നിന്നും തൃശൂർ ഭാഗത്തേക്കുള്ള യാത്രയ്ക്കിടെ പുക ഉയരുന്നത് കണ്ട് ഡ്രൈവർ വാഹനം നിർത്തി ഓടി രക്ഷപ്പെടുകയായിരുന്നു.അഗ്‌നിശമന സേനയെത്തിയാണ് തീ പൂർണമായും കെടുത്തിയത്. തീ അണയ്ക്കുമ്പോഴേക്കും മണ്ണുമാന്തി യന്ത്രം പൂർണമായും കത്തിനശിച്ചിരുന്നു. സംഭവത്തെതുടർന്ന് ദേശീയപാതയിൽ ഗതാഗത തടസ്സമുണ്ടായി. തീപിടിത്തതെതുടർന്ന് വലിയരീതിയിലുള്ള പ്രദേശത്ത് വലിയരീതിയിലുള്ള പുക ഉയർന്നു.