തൊഴിലുറപ്പ് പദ്ധതി വിഹിതമായി മുഴുവൻ തുകയും നൽകി; കേരളത്തിന് ഇനി പണമൊന്നും നൽകാനില്ലെന്ന് കേന്ദ്രമന്ത്രി

ന്യൂഡൽഹി: തൊഴുലുറപ്പ് വിഹിതം കേന്ദ്രസർക്കാർ നൽകി കഴിഞ്ഞെന്നും കേരളത്തിന് ഇനി പണം നൽകാനില്ലെന്നും കേന്ദ്രമന്ത്രി സാധ്വി നിരഞ്ജൻ ജ്യോതി. പാർലമെന്റിൽ കെ. മുരളീധരൻ എംപി.യുടെ ചോദ്യത്തിന് മറുപടി പറയുകയായിരുന്നു മന്ത്രി.

കേരളത്തിന് പണം നൽകാനില്ല. തൊഴിലുറപ്പ് പദ്ധതി വിഹിതമായി 2020 മുതൽ 2023 വരെയുള്ള കാലയളവിലെ മുഴുവൻ തുകയും നൽകി. 2020-21 ൽ 4286.77 കോടി രൂപയും 2021-22 ൽ 3551.93 കോടിയും 2022-23 ൽ 3818.43 കോടി രൂപയും നൽകിയതായി കേന്ദ്രമന്ത്രി സാധ്വി നിരഞ്ജൻ ജ്യോതി വ്യക്തമാക്കി.