കുമളി: പന്ത്രണ്ടുകാരിയോട് മോശമായി പെരുമാറിയെന്ന കേസിൽ പാസ്റ്റർ പിടിയിൽ. ന്യൂ ലൈഫ് ചർച്ച് ഓഫ് ഗോഡ് സഭയിലെ പാസ്റ്ററായ പി.ടി. പ്രദീപ് (42) ആണ് കുമളി പൊലീസിന്റെ പിടിയിലായത്. നവംബർ 17-നാണ് കേസിനാസ്പദമായ സംഭവം.

കുട്ടിയുടെ പെരുമാറ്റത്തിൽ സംശയംതോന്നിയ സുഹൃത്തുക്കൾ അന്വേഷിച്ചപ്പോഴാണ് വിവരം പുറത്തറിയുന്നത്. തുടർന്ന് ചൈൽഡ് ലൈനിൽ പരാതി നൽകി. ചൈൽഡ് ലൈൻ, കുമളി പൊലീസിന് പരാതി കൈമാറിയതോടെ ഇയാൾ ഒളിവിൽപോയി. പാസ്റ്ററെ സഭയിൽനിന്ന് അന്നുതന്നെ പുറത്താക്കി. ഇയാളെ റിമാൻഡുചെയ്തു.