മംഗളൂരു: സുള്ള്യ പടുവന്നൂരിൽ പതിനാറുകാരിയായ പിയുസി വിദ്യാർത്ഥിനി മുറിയിലെ ഫാനിൽ തൂങ്ങി ജീവനൊടുക്കി. കണ്ണഡ്ക സ്വദേശി ചന്ദ്രശേഖർ ഗൗഡയുടെ മകൾ ദീക്ഷയാണ് മരിച്ചത്. ഞായറാഴ്ച രാവിലെയാണ് ദീക്ഷയെ മരിച്ച നിലയിൽ കണ്ടെത്തിയത്.

പുത്തൂരിലെ സ്വകാര്യ കോളജിലെ ഒന്നാം പിയുസി വിദ്യാർത്ഥിനിയാണ് ദീക്ഷ. മാതാപിതാക്കൾ ജോലിക്കായി പോയ സമയത്താണ് ദീക്ഷ ജീവനൊടുക്കിയതെന്ന് പുത്തൂർ പൊലീസ് പറഞ്ഞു. ആത്മഹത്യയുടെ കാരണം എന്താണെന്ന് ഇതുവരെ വ്യക്തമായിട്ടില്ല.

കേസെടുത്ത് അന്വേഷണം ആരംഭിച്ചിട്ടുണ്ട്. ദീക്ഷയുടെ അടുത്ത സുഹൃത്തുക്കളിൽ നിന്നടക്കം വിവരങ്ങൾ ചോദിച്ചറിയുന്നുണ്ടെന്നും സംഭവസ്ഥലം സന്ദർശിച്ച ശേഷം പൊലീസ് അറിയിച്ചു.