കാക്കനാട്: മാർ ജോസഫ് കൊല്ലംപറമ്പിലിനെ ഷംഷാബാദ് രൂപത അഡ്‌മിനിസ്‌ട്രേറ്ററായി നിയമിച്ചു. മാർ റാഫേൽ തട്ടിൽ സീറോ മലബാർ സഭാ മേജർ ആർച്ച്ബിഷപ് സ്ഥാനം ഏറ്റെടുത്തതോടെയാണ് ഷംഷാബാദ് രൂപതയ്ക്ക് പുതിയ അഡ്‌മിനിസ്‌ട്രേറ്ററെ നിയോഗിച്ചത്.

രൂപതയിൽ പുതിയ മെത്രാൻ സ്ഥാനം ഏറ്റെടുക്കുന്നതുവരെ ഭരണകാര്യങ്ങൾ നിർവഹിക്കുന്നത് അഡ്‌മിനിസ്‌ട്രേറ്റർ ആയിരിക്കും. സിനഡ് സമ്മേളനത്തിൽവച്ച് മാർ ജോസഫ് കൊല്ലംപറമ്പിൽ മേജർ ആർച്ചുബിഷപ്പിന്റെ മുമ്പിൽ വിശ്വാസ പ്രഖ്യാപനം നടത്തി ചുമതലയേറ്റു.

2022 ഒക്ടോബർ 22നു ഷംഷാബാദ് രൂപതയുടെ സഹായ മെത്രാനായി നിയമിതനായ മാർ ജോസഫ് കൊല്ലംപറമ്പിൽ പ്രോട്ടോസിഞ്ചെല്ലൂസ് എന്ന നിലയിൽ സേവനം ചെയ്തു വരികയായിരുന്നു.