കല്യാണ ഹാളിൽ ഒരു സ്ത്രീയെ ഒരു സംഘം ഉപദ്രവിച്ചത് ചോദ്യം ചെയ്തത് അക്രമമായി

കാട്ടാക്കട: തിരുവനന്തപുരം കാട്ടാക്കട ഇറയംകോട് വിവാഹച്ചടങ്ങിനിടെ അക്രമം. വധുവിന്റെ പിതാവിനും എട്ട് വയസുകാരിക്കും ഉൾപ്പടെ നിരവധി പേർക്ക് പരിക്കേറ്റു.

വധുവിന്റെ പിതാവ് ബാദുഷ, ബന്ധുക്കളായ ഹാജ, ഷംന, ഷഹീർ, ഷാജിദ (8) എന്നിവർക്കാണ് പരിക്കേറ്റത്. ഗുരുതരമായി പരിക്കേറ്റവരെ നെയ്യാറ്റിൻകര ആശുപത്രിയിൽ പ്രവേശിപ്പിച്ചു.

കല്യാണം നടന്ന ഹാളിൽ ഒരു സ്ത്രീയെ ഒരു സംഘം ഉപദ്രവിച്ചത് ചോദ്യം ചെയ്തതാണ് അക്രമത്തിന് കാരണമായത്. ക്രിമിനൽ പശ്ചാത്തലമുള്ള ആറ് പേരാണ് അക്രമം നടത്തിയതെന്നും മാരകായുധങ്ങൾ ഉപയോഗിച്ചായിരുന്നു ആക്രമണമെന്നും വീട്ടുകാർ പറഞ്ഞു.

ആക്രമണം നടത്തിയ അർഷാദ്, ഹക്കീം, സൈഫുദീൻ, ഷജീർ എന്നിവർക്കെതിരേ വിളപ്പിൽശാല പൊലീസ് കേസ് എടുത്തു.