സാങ്കേതികത്വം പറഞ്ഞ് സര്‍ക്കാര്‍ നടപടിയെടുക്കാത്തത് നീതികരിക്കാനാവില്ല; ഉത്തരവാദികളെ കൊണ്ട് ജനം മറുപടി പറയിക്കുമെന്ന് ആഷിഖ് അബു
തിരുവനന്തപുരം: സംവിധായകന്‍ രഞ്ജിത്തിന്റെയും നടന്‍ സിദ്ദിഖിന്റെയും രാജി അനിവാര്യമെന്ന് സംവിധായകന്‍ ആഷിഖ് അബു. ആരോപണം നേരിടുന്ന സംഘത്തില്‍ സൈക്കോ പാത്തുകളുണ്ടെന്നാണ് മനസ്സിലാകുന്നത്. ഉത്തരവാദികളെ കൊണ്ട് ജനം മറുപടി പറയിക്കും. സാങ്കേതികത്വം പറഞ്ഞ് സര്‍ക്കാര്‍ നടപടിയെടുക്കാത്തത് നീതികരിക്കാനാവില്ല. ഈ വിഷയത്തിലെ പ്രതികരണങ്ങള്‍ ഇടതുപക്ഷത്തെ താറടിക്കുന്നതല്ലെന്നും ആഷിഖ് അബു പറഞ്ഞു എന്തുകൊണ്ടാണ് പലരും നിശബ്ദത പാലിക്കുന്നതെന്ന് മനസ്സിലാകുന്നില്ലെന്നും ആഷിഖ് അബു പറഞ്ഞു. സിനിമാ മേഖലയില്‍ ഇത്രയും കാലം നിശബ്ദതയായിരുന്നു. ഇപ്പോള്‍ കുറച്ച് സ്ത്രീകളാണ് സംഘം ചേര്‍ന്ന് അവരുടെ പ്രശ്‌നങ്ങള്‍ അവതരിപ്പിച്ചത്. […]
തിരുവനന്തപുരം: സംവിധായകന്‍ രഞ്ജിത്തിന്റെയും നടന്‍ സിദ്ദിഖിന്റെയും രാജി അനിവാര്യമെന്ന് സംവിധായകന്‍ ആഷിഖ് അബു. ആരോപണം നേരിടുന്ന സംഘത്തില്‍ സൈക്കോ പാത്തുകളുണ്ടെന്നാണ് മനസ്സിലാകുന്നത്. ഉത്തരവാദികളെ കൊണ്ട് ജനം മറുപടി പറയിക്കും. സാങ്കേതികത്വം പറഞ്ഞ് സര്‍ക്കാര്‍ നടപടിയെടുക്കാത്തത് നീതികരിക്കാനാവില്ല. ഈ വിഷയത്തിലെ പ്രതികരണങ്ങള്‍ ഇടതുപക്ഷത്തെ താറടിക്കുന്നതല്ലെന്നും ആഷിഖ് അബു പറഞ്ഞു
എന്തുകൊണ്ടാണ് പലരും നിശബ്ദത പാലിക്കുന്നതെന്ന് മനസ്സിലാകുന്നില്ലെന്നും ആഷിഖ് അബു പറഞ്ഞു. സിനിമാ മേഖലയില്‍ ഇത്രയും കാലം നിശബ്ദതയായിരുന്നു. ഇപ്പോള്‍ കുറച്ച് സ്ത്രീകളാണ് സംഘം ചേര്‍ന്ന് അവരുടെ പ്രശ്‌നങ്ങള്‍ അവതരിപ്പിച്ചത്. ക്രിമിനലുകളായ ആളുകള്‍ ഈ മേഖലയിലുണ്ട്. അവര്‍ സൈക്കോപാത്തുകളാണ്. ഒരു ശുദ്ധീകരണമാണ് ഇപ്പോള്‍ നടക്കുന്നത്. സര്‍ക്കാരിന്റെ ഭാഗത്തു നിന്ന് നടപടികള്‍ പ്രതീക്ഷിച്ചിരുന്നു. സാങ്കേതികത്വം പറഞ്ഞ് നടപടി എടുക്കാതിരിക്കുന്നത് നീതികേടാണ്. അതിലെ വിമര്‍ശനങ്ങളാണ് പുറത്തുവന്നത്. അല്ലാതെ ഇടതുപക്ഷത്തിന് എതിരായ നീക്കമല്ല ഇപ്പോഴത്തേതെന്നും ആഷിഖ് അബു പ്രതികരിച്ചു.
ലൈംഗിക ഉദ്ദേശത്തോടെ അപമര്യാദയായി പെരുമാറിയെന്ന ബംഗാളി നടി ശ്രീലേഖ മിത്രയുടെ വെളിപ്പെടുത്തലിനെ തുടര്‍ന്നാണ് രഞ്ജിത്തിന്റെ രാജി. സര്‍ക്കാര്‍ രഞ്ജിത്തിനെ സംരക്ഷിക്കുന്നത് തെറ്റായ സന്ദേശം നല്‍കുമെന്ന് ഇടതു മുന്നണിയില്‍ അടക്കം അഭിപ്രായം ഉയര്‍ന്നിരുന്നു. പിടിച്ചുനില്‍ക്കാനുള്ള എല്ലാ ശ്രമങ്ങളും പരാജയപ്പെട്ടതോടെയാണ് രഞ്ജിത്തിന്റെ പടിയിറക്കം. എതിര്‍പ്പ് അതിശക്തമായതോടെയാണ് സര്‍ക്കാറും സിപിഎമ്മും രഞ്ജിത്തിനെ കൈവിട്ടത്. പ്രതിപക്ഷം കടുപ്പിച്ചതിനൊപ്പം സിപിഐ രാജിയാവശ്യപ്പെട്ടതും എഐവൈഎഫ് പരസ്യ പ്രതിഷേധം പ്രഖ്യാപിച്ചതുമെല്ലാം സര്‍ക്കാറിനെ വെട്ടിലാക്കി.
യുവ നടി ഉന്നയിച്ച പീഡന ആരോപണത്തിന് പിന്നാലെ അമ്മ ജനറല്‍ സെക്രട്ടറി സ്ഥാനത്തുനിന്നും നടന്‍ സിദ്ദിഖും രാജിവച്ചു. സംഘടനാ പ്രസിഡന്റ് മോഹന്‍ലാലിന് സിദ്ദിഖ് ഇമെയിലായി രാജിക്കത്ത് സമര്‍പ്പിച്ചു. തനിക്കെതിരെ ഉയര്‍ന്ന ആരോപണങ്ങളുടെ പശ്ചാത്തലത്തില്‍ സ്വമേധയാ രാജിവയ്ക്കുന്നു എന്നാണു കത്തിലുള്ളത്.
