'ടാ മോനേ കൊല്ലം പൊളിയല്ലേ?' കേരള ക്രിക്കറ്റ് ലീഗിലെ കൊല്ലത്തെ പോരാളികള്‍ തീം സോങ്ങും, ജേഴ്സിയും പുറത്തിറക്കി
കൊല്ലം: കേരള ക്രിക്കറ്റ് ലീഗിന്റെ ആദ്യ എഡിഷന്‍ ആരംഭിക്കാന്‍ ദിവസങ്ങള്‍ മാത്രം ബാക്കി നില്‍ക്കേ ഏരിസ് കൊല്ലം സെയ്‌ലേഴ്‌സ് ടീമിന്റെ ജേഴ്സിയും തീം സോങ്ങും പുറത്തിറക്കി. കൊല്ലം പ്രസ് ക്ലബ്ബില്‍ നടന്ന ചടങ്ങില്‍ ടീം ബ്രാന്‍ഡ് അംബാസിഡറായ മുന്‍ ഇന്ത്യന്‍ താരം എസ് ശ്രീശാന്ത്, ടീം സിഇഒ ഡോ. എന്‍. പ്രഭിരാജ്, ക്യാപ്റ്റന്‍ ഐപിഎല്‍ താരം സച്ചിന്‍ ബേബി, ടീമിന്റെ മുഖ്യ ഉപദേഷ്ടാവ് മുന്‍ രണ്‍ജി താരം വി.എ. ജഗദീഷ്, ജില്ലാ അസോസിയേഷന്‍ ഭാരവാഹികള്‍ തുടങ്ങിയവരുടെ സാന്നിധ്യത്തിലാണ് […]
കൊല്ലം: കേരള ക്രിക്കറ്റ് ലീഗിന്റെ ആദ്യ എഡിഷന്‍ ആരംഭിക്കാന്‍ ദിവസങ്ങള്‍ മാത്രം ബാക്കി നില്‍ക്കേ ഏരിസ് കൊല്ലം സെയ്‌ലേഴ്‌സ് ടീമിന്റെ ജേഴ്സിയും തീം സോങ്ങും പുറത്തിറക്കി. കൊല്ലം പ്രസ് ക്ലബ്ബില്‍ നടന്ന ചടങ്ങില്‍ ടീം ബ്രാന്‍ഡ് അംബാസിഡറായ മുന്‍ ഇന്ത്യന്‍ താരം എസ് ശ്രീശാന്ത്, ടീം സിഇഒ ഡോ. എന്‍. പ്രഭിരാജ്, ക്യാപ്റ്റന്‍ ഐപിഎല്‍ താരം സച്ചിന്‍ ബേബി, ടീമിന്റെ മുഖ്യ ഉപദേഷ്ടാവ് മുന്‍ രണ്‍ജി താരം വി.എ. ജഗദീഷ്, ജില്ലാ അസോസിയേഷന്‍ ഭാരവാഹികള്‍ തുടങ്ങിയവരുടെ സാന്നിധ്യത്തിലാണ് പ്രകാശന ചടങ്ങ് നടത്തിയത്. തീം സോങ് പാടിയിരിക്കുന്നത് ശ്രീശാന്ത് എന്നതും ശ്രദ്ധേയമാണ്.
ഹോളിവുഡ് സംവിധായകനും നിര്‍മ്മാതാവും ഏരീസ് ഗ്രൂപ്പ് ചെയര്‍മാനുമായ സോഹന്‍ റോയ് ആണ് ടീമുടമ. കൊല്ലം ജില്ലയുടെ തനിമയും പാരമ്പര്യവും കൃത്യമായി വരച്ചുകാട്ടുന്ന രീതിയിലാണ് തീം സോങ്. 'എടാ മോനെ, കൊല്ലം പൊളിയല്ലേ…' എന്ന ടീമിന്റെ ടാഗ് ലൈന്‍ ഉള്‍പ്പെടുത്തിയ വരികള്‍ കൂടുതല്‍ ശ്രദ്ധേയമായി.
കേരളത്തിലെ യുവാക്കള്‍ക്കിടയില്‍ ക്രിക്കറ്റിന്റെ പ്രാധാന്യം വര്‍ദ്ധിച്ചു വരുന്ന സാഹചര്യത്തില്‍ അവരുടെ സ്വപ്നങ്ങള്‍ക്ക് കരുത്തേകാന്‍ ടീമിന് സാധിക്കുമെന്ന് ടീം സി.ഇ.ഒ പ്രഭിരാജ് പറ ഞ്ഞു. ഇതിലൂടെ ഐ.പി.എല്‍ എന്ന സ്വപ്നത്തിലേക്കും എത്തി ച്ചേരാനാകും. കുട്ടിക്കാലം മുതല്‍ ക്രിക്കറ്റിനോടുള്ള അതിയായ ഇഷ്ടമാണ് കേരള ക്രിക്കറ്റ് ലീഗില്‍ കൊല്ലം ടീമിനെ സ്വന്തമാക്കാനുള്ള പ്രധാന കാരണമെന്നും അദ്ദേഹം പറഞ്ഞു.
വയനാട് ഉരുള്‍പൊട്ടലിന്റെ സാഹചര്യത്തില്‍ കെ.സി.എല്ലില്‍ നിന്നു ലഭിക്കുന്ന മുഴുവന്‍ ലാഭവും അനാഥരായ അവിടുത്തെ കുട്ടികളുടെ പഠനം, കരിയര്‍ ഡിസൈന്‍, തുടങ്ങി ജോലി ലഭിക്കുന്നതുവരെയുള്ള മുഴുവന്‍ ചിലവുകളും, മാതാപിതാക്കളില്‍ ഒരാള്‍ നഷ്ടമായ പത്തു കുട്ടികളുടെ പഠന ചിലവും ഏറ്റെടുക്കുന്നതിലേക്ക് വകയിരുത്തുമെന്ന് സോഹന്‍ റോയ് പറഞ്ഞു. കെസിഎല്ലിന്റെ ഭാഗമാകാന്‍ സാധിച്ചതില്‍ അതിയായ സന്തോഷമുണ്ട്. കേരള ത്തില്‍ വളര്‍ന്നു വരുന്ന ക്രിക്കറ്റ് താരങ്ങള്‍ക്ക് മികച്ച അവസരമാണ് കൊല്ലം ടീമിലൂടെ സാക്ഷാത്കരി ക്കുന്നതെന്നും, എല്ലാവിധ സഹായങ്ങളും ഏരീസ് ഗ്രൂപ്പിന്റെ ഭാഗത്ത് നിന്ന് ഉണ്ടാകുമെന്നും അദ്ദേഹം പറഞ്ഞു.
ജില്ലയിലെ എല്ലാ സ്‌കൂളുകളിലും കോളേജുകളിലും ഇതി നോടകം തന്നെ ക്രിക്കറ്റ് ക്ലബ്ബുകളും കൊല്ലം സെയിലേഴ്സിന്റെ ഫാന്‍സ് ക്ലബ്ബുകളും ആരംഭിച്ചു കഴിഞ്ഞു. കൊല്ലം ജില്ലയിലെ ക്രിക്കറ്റ് രംഗത്തിന് പുത്തനുണര്‍വുണ്ടാക്കാന്‍ ഏരീസ് കൊല്ലം സെയിലേഴഴ്‌സിലൂടെ സാധിക്കുമെന്നും ജില്ലാ ക്രിക്കറ്റ് അസോസിയേഷന്റെ എല്ലാ പിന്തുണയും ഉണ്ടാകുമെന്നും അസോസിയേഷന്‍ അറിയിച്ചു.
ഏരീസ് ഗ്രൂപ്പ് സിംബാബ്വെയില്‍ നടന്ന 'സിം ആഫ്രോ ടി-ടെന്‍' ക്രിക്കറ്റ് ടൂര്‍ണമെന്റ്‌റില്‍ പങ്കെടുത്ത പ്രമുഖ ടീമായ 'ഹരാരെ ഹരി കെന്‍സിന്റെ' ഉടമകളായിരുന്നു. അന്താരാഷ്ട്ര താരങ്ങളായ എസ് ശ്രീശാന്ത്, ഇര്‍ഫാന്‍ പഠാന്‍, റോബിന്‍ ഉത്തപ്പ, ഇയാന്‍ മോര്‍ഗന്‍, ജെ.പി ഡുമ്നി, മുഹമ്മദ് നബി തുടങ്ങിയവര്‍ ഈ ടീമിന്റെ ഭാഗമാണ്. ടീം സി.ഇ.ഒയും കൊല്ലം പുനലൂര്‍ സ്വദേശിയുമായ പ്രഭിരാജാണ് ഏരീസ് പട്ടോടി ക്രിക്കറ്റ് ടീമിന്റെ നേതൃത്വവും വഹിക്കുന്നത്.
ഏരീസ് ഗ്രൂപ്പ് എംഡിയും, ടീം സിഇഒയുമായ ഡോ. എന്‍. പ്രഭിരാജ്, ടീം ക്യാപ്റ്റന്‍ സച്ചിന്‍ ബേബി, മുഖ്യ പരിശീലകന്‍ വി എ ജഗദീഷ്, കേരള ക്രിക്കറ്റ് അസോസിയേഷന്‍ ഭാരവാഹികള്‍ തുടങ്ങിയവര്‍ പങ്കെടുത്തു. ആഷി ടോമിയാണ് ടീം ഫിസിയോ. ട്രെയിനര്‍ കിരണ്‍, വീഡിയോ അനലിസ്റ്റ് ആരോണ്‍, ബൗളിംഗ് കോച്ച് മോനിഷ്, ബാറ്റിംഗ് കോച്ച് നിജിലേഷ്
കൂടുതല്‍ വിവരങ്ങള്‍ക്ക്: അരുണ്‍ പുനലൂര്‍
9539000535
8921344035
