ഗര്‍ഭിണിയായ ഭാര്യയെ കുത്തിപ്പരിക്കേല്‍പ്പിച്ച ശേഷം ഒളിവില്‍ പോയി; വിദേശത്തേക്ക് കടക്കാന്‍ ശ്രമിച്ച പ്രതി പിടിയില്‍

കോഴിക്കോട്: ഗര്‍ഭിണിയായ ഭാര്യയെ കുത്തിപ്പരിക്കേല്‍പ്പിച്ച കേസിലെ പ്രതി പിടിയില്‍. ചിയ്യൂര്‍ താനമഠത്തില്‍ ഫൈസല്‍ ആണ് പിടിയിലായത്. വിദേശത്തേക്ക് കടക്കാനുള്ള ശ്രമത്തിനിടെ മുംബൈ വിമാനത്താവളത്തില്‍വച്ചാണ് ഇയാല്‍ പിടിയിലായത്. തിങ്കളാഴ്ചയായിരുന്നു കേസിന് ആസ്പദമായ സംഭവം നടന്നത്.

രണ്ട് മാസം ഗര്‍ഭിണിയുമായ ഭാര്യ ഷംനയെ പ്രതി വീട്ടില്‍ വെച്ച് ചിരവ കൊണ്ട് കുത്തിപ്പരിക്കേല്‍പ്പിക്കുകയായിരുന്നു. ശേഷം ഇയാള്‍ ഒളിവില്‍ പോവുകയായിരുന്നു. പരിക്കേറ്റ യുവതി ചികിത്സയിലാണ്.