അതിഥിത്തൊഴിലാളിയുടെ ഭാര്യയെ പീഡിപ്പിക്കാന്‍ ശ്രമം; രണ്ടു പേര്‍ അറസ്റ്റില്‍

കോന്നി: അതിഥിത്തൊഴിലാളിയുടെ ഭാര്യയെ പീഡിപ്പിക്കാന്‍ ശ്രമിച്ച രണ്ടുപേരെ പോലീസ് അറസ്റ്റുചെയ്തു. കോന്നി മങ്ങാരം വരിക്കോലില്‍തുണ്ടില്‍ അനില്‍കുമാര്‍ (48), മങ്ങാരം കിഴക്കേടത്ത് ശിവപ്രസാദ് (42) എന്നിവരെയാണ് കോന്നി പോലീസ് എസ്.എച്ച്. ഒ.പി. ശ്രീജിത്തിന്റെ നേതൃത്വത്തില്‍ അറസ്റ്റുചെയ്തത്. പ്രതികളെ കോടതി റിമാന്‍ഡുചെയ്തു.

ഐരവണില്‍ താമസിക്കുന്ന അസം സ്വദേശിയുെട ഭാര്യയെ 14-ന് രാത്രി അവര്‍ താമസിക്കുന്ന വീട്ടില്‍കയറി അനില്‍കുമാര്‍ ബലമായി പിടിച്ചിറക്കി ബൈക്കില്‍ കയറ്റിക്കൊണ്ടുപോയി. സംഭവം അറിഞ്ഞ ഭര്‍ത്താവ് സഞ്ജയ് മണ്ഡല്‍ എത്തി ഭാര്യയെ മോചിപ്പിച്ചു. സംഭവത്തിനുശേഷം സഞ്ജയ് മണ്ഡല്‍ കോന്നി നാരായണപുരം മാര്‍ക്കറ്റിന് സമീപത്തുകൂടെ നടന്നുപോകുമ്പോള്‍ അനില്‍കുമാറും ശിവപ്രസാദും ചേര്‍ന്ന് ഇയാളെ മര്‍ദ്ദിച്ചു. ഇരുവരേയും പിടികൂടിയ പോലീസ് ചോദ്യംചെയ്തപ്പോഴാണ് പീഡനശ്രമം അറിയുന്നത്.