പാസ്‌പോര്‍ട്ട് അപേക്ഷ; 2023 ഒക്ടോബറിന് ശേഷം ജനിച്ചവര്‍ക്ക് ജനന സര്‍ട്ടിഫിക്കറ്റ് മാത്രം മതി
പാസ്‌പോര്‍ട്ട് അപേക്ഷ; 2023 ഒക്ടോബറിന് ശേഷം ജനിച്ചവര്‍ക്ക് ജനന സര്‍ട്ടിഫിക്കറ്റ് മാത്രം മതി
ന്യൂഡല്‍ഹി: 2023 ഒക്ടോബര്‍ ഒന്നിനോ അതിനു ശേഷമോ ജനിച്ചവരാണെങ്കില്‍ പാസ്‌പോര്‍ട്ട് എടുക്കുമ്പോള്‍ സമര്‍പ്പിക്കേണ്ട ജനനത്തീയതി തെളിയിക്കാനുള്ള രേഖയായി ജനനസര്‍ട്ടിഫിക്കറ്റ് മാത്രമാകും ഇനി പരിഗണിക്കുക. ഇക്കാര്യം വ്യക്തമാക്കി കേന്ദ്രസര്‍ക്കാര്‍ പാസ്‌പോര്‍ട്ട് നിയമത്തിലെ വ്യവസ്ഥകള്‍ ഭേദഗതി ചെയ്തു. അതേസമയം 2023 ഒക്ടോബര്‍ ഒന്നിനു മുന്‍പു ജനിച്ചവരാണെങ്കില്‍ ജനനസര്‍ട്ടിഫിക്കറ്റ് ഉള്‍പ്പെടെ ഏഴ് രേഖകളില്‍ ഏതെങ്കിലും സമര്‍പ്പിക്കാമെന്നു ഭേദഗതിയില്‍ വ്യക്തമാക്കുന്നു.
* ജനനസര്‍ട്ടിഫിക്കറ്റ്
* അവസാനം പഠിച്ച സ്‌കൂളില്‍നിന്നുള്ള ടിസി, സ്‌കൂള്‍ സര്‍ട്ടിഫിക്കറ്റ് അതല്ലെങ്കില്‍ പഠനം നടത്തിയ സ്‌കൂള്‍ ബോര്‍ഡില്‍നിന്നുള്ള ജനന തീയതി വ്യക്തമാക്കുന്ന രേഖ
* പാന്‍ കാര്‍ഡ്
* സര്‍ക്കാര്‍ ഉദ്യോഗസ്ഥരാണെങ്കില്‍ സര്‍വീസ് രേഖകള്‍. ഇതു വകുപ്പ് മേധാവി സാക്ഷ്യപ്പെടുത്തണം. വിരമിച്ചവരാണെങ്കില്‍ പെന്‍ഷന്‍ രേഖകള്‍ സമര്‍പ്പിക്കാം.
* ഡ്രൈവിങ് ലൈസന്‍സ്
* തിരഞ്ഞെടുപ്പു തിരിച്ചറിയല്‍ കാര്‍ഡ്
* എല്‍ഐസിയോ മറ്റേതെങ്കിലും പൊതുമേഖലാ സ്ഥാപനമോ ലഭ്യമാക്കുന്ന ഇന്‍ഷുറന്‍സ് രേഖ.
