ഹരിപ്പാട് നിന്നും ഒരു കിലോ കഞ്ചാവുമായി യുവാവ് അറസ്റ്റില്‍; 24കാരനെ റിമാന്‍ഡ് ചെയ്ത് കോടതി

ഹരിപ്പാട്: കുമാരകോടി പാലത്തിന് പടിഞ്ഞാറ് വശത്ത് നിന്ന് ഒരു കിലോ കഞ്ചാവുമായി പല്ലന പാനൂര്‍ അറുതിയില്‍ വീട്ടില്‍ കണ്ണന്‍ ( 24) നെ തൃക്കുന്നപ്പുഴ പൊലീസ് അറസ്റ്റ് ചെയ്തു. കായംകുളം ഡിവൈഎസ് പി ബാബുക്കുട്ടന് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ തൃക്കുന്നപ്പുഴ പൊലീസ് സ്റ്റേഷന്‍ ഐഎസ്എച്ച്ഒ ഷാജിമോന്‍ ബി, എസ്‌ഐ മാരായ അജിത്ത് കെ, വര്‍ഗ്ഗീസ് മാത്യു, എസ് സിപി ഒമാരായ അനില്‍, ശ്യാം, സി പി ഒ സഫീര്‍, ഹോം ഗാര്‍ഡ് മഹേന്ദ്രന്‍ എന്നിവര്‍ ചേര്‍ന്നാണ് പ്രതിയെ പിടി കൂടിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.