- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
സ്കൂട്ടറിന്റെ അമിത വേഗത ചോദ്യം ചെയ്തു; വൃക്കരോഗിയായ ഓട്ടോ ഡ്രൈവറെ ക്രൂരമായി മര്ദിച്ച് യുവാവ്
സ്കൂട്ടറിന്റെ അമിത വേഗത ചോദ്യം ചെയ്തു; വൃക്കരോഗിയായ ഓട്ടോ ഡ്രൈവറെ ക്രൂരമായി മര്ദിച്ച് യുവാവ്
ന്യൂമാഹി: അമിതവേഗത്തില് അപകടകരമാം വിധം സ്കൂട്ടര് ഓടിച്ചത് ചോദ്യംചെയ്തതിന് വൃക്കരോഗിയായ ഓട്ടോഡ്രൈവറെ സ്കൂട്ടര് യാത്രക്കാരനായ യുവാവ് ക്രൂരമായി മര്ദിച്ചെന്നു പരാതി. ഓട്ടോഡ്രൈവറായ വേലായുധന്മൊട്ട ലക്ഷ്മിനിലയത്തില് രാഗേഷിനാണ് (47) മര്ദനമേറ്റത്. സംഭവത്തില് സ്കൂട്ടര് യാത്രക്കാരന് ചൊക്ലി സ്വദേശി മുഹമ്മദ് ഷബിനെ (27) ന്യൂമാഹി പൊലീസ് കസ്റ്റഡിയിലെടുത്തു.
രാഗേഷ് കുടുംബത്തിനൊപ്പം ഓട്ടോയില് പോകുമ്പോള് കഴിഞ്ഞദിവസം പെരിങ്ങാടി റെയില്വേ ഗേറ്റിലാണു സംഭവം. അപകടകരമായ രീതിയില് സ്കൂട്ടറില് മുഹമ്മദ് ഷബിന് ഓട്ടോയെ മറികടന്നത് രാഗേഷ് ചോദ്യം ചെയ്തു. ഇതില് പ്രകോപിതനായി രാഗേഷിനെ ചീത്തവിളിച്ച് മുന്നോട്ടുനീങ്ങുന്നതിനിടെ ഷബിന്റെ സ്കൂട്ടര് മറ്റൊരു വാഹനത്തിലിടിച്ചു.
തുടര്ന്ന് സ്കൂട്ടര് നിര്ത്തി ഇറങ്ങിയ ഷബിന് രാഗേഷിന്റെ ഓട്ടോയുടെ ചില്ല് ഷബിന് തകര്ക്കുകയും രാഗേഷിനെ ക്രൂരമായി മര്ദിക്കുകയും ചെയ്തു. ഭാര്യ ഷിനിതയുടെയും മക്കളുടെയും നിലവിളി കേട്ട് ഓടിയെത്തിയ നാട്ടുകാരാണു ഷബിനെ പിടികൂടിയത്.
ഒന്നരവര്ഷമായി ആഴ്ചയില് മൂന്നുദിവസം ഡയാലിസിസ് ചെയ്യുന്ന രാഗേഷിന്റെ സാമ്പത്തികബുദ്ധിമുട്ട് മനസ്സിലാക്കി അയല്ക്കാരനാണ് കഴിഞ്ഞദിവസം പുതിയ ഓട്ടോ വാങ്ങിനല്കിയത്. വൃക്ക നല്കാന് ഭാര്യ ഷിനിത തയാറാണെങ്കിലും ചികിത്സയ്ക്ക് ആവശ്യമായ പണം കണ്ടെത്താന് സാധിക്കാതെ ദുരിതത്തിലാണ് രാഗേഷ്.