ബെവ്‌കോ ഔട്ട് ലെറ്റിന് മുന്നില്‍ പത്തു വയസ്സുകാരിയെ വരി നിര്‍ത്തിയ സംഭവം; പിതാവ് ഇന്ന് പോലിസ് സ്റ്റേഷനില് ഹാജരാകണം: പോലിസ് നടപടി ദൃശ്യങ്ങള്‍ പ്രചരിച്ചതിന് പിന്നാലെ
ബെവ്‌കോ ഔട്ട് ലെറ്റിന് മുന്നില്‍ പത്തു വയസ്സുകാരിയെ വരി നിര്‍ത്തിയ സംഭവം; പിതാവ് ഇന്ന് പോലിസ് സ്റ്റേഷനില് ഹാജരാകണം
പാലക്കാട്: പാലക്കാട് പട്ടാമ്പി കരിമ്പനക്കടവിലെ ബെവ്‌കോ ഔട്ട്‌ലെറ്റില്‍ മദ്യം വാങ്ങാന്‍ കുട്ടിയെ കൊണ്ടുവന്ന സംഭവത്തില്‍ പെണ്‍കുട്ടിയുടെ അച്ഛന്‍ ഇന്ന് പൊലീസ് സ്റ്റേഷനില് ഹാജരാകണം. ഇന്നലെ രാത്രി എട്ടുമണിയോടെയാണ് സംഭവം. ഞാങ്ങാട്ടിരി സ്വദേശിയാണ് മദ്യം വാങ്ങാനെത്തി മകളെ വരി നിര്‍ത്തിയതെന്ന് പൊലീസ് സ്ഥിരീകരിച്ചിരുന്നു. മദ്യം വാങ്ങാനായി ക്യൂവില്‍ നിന്നവര്‍ പകര്‍ത്തിയ ദൃശ്യം പ്രചരിച്ചതോടെയാണ് പൊലീസ് നടപടി. പരാതി ലഭിക്കാത്തതിനാല്‍ മറ്റു നടപടികള്‍ ആലോചിച്ച് തീരുമാനിക്കും.
ക്യൂവിലുണ്ടായിരുന്നവര്‍ ചോദ്യം ചെയ്തിട്ടും പെണ്‍കുട്ടിയെ മാറ്റാന്‍ തയാറായില്ലെന്നും ദൃക്‌സാക്ഷികള്‍ പറയുന്നു. പത്ത് വയസ് പ്രായം തോന്നിക്കുന്ന കുട്ടിയെയാണ് വരിയില്‍ നിര്‍ത്തിയത്. ഇവിടെ മദ്യം വാങ്ങാനെത്തിയവര്‍ പകര്‍ത്തിയ ദൃശ്യം ഏഷ്യാനെറ്റ് ന്യൂസിന് ലഭിച്ചു. ഇന്നലെ രാത്രി എട്ട് മണിയോടെയാണ് സംഭവം. മാധ്യമവാര്‍ത്തകളുടെ അടിസ്ഥാനത്തില്‍ സംഭവത്തെക്കുറിച്ച് പൊലീസ് പ്രാഥമിക അന്വേഷണം നടത്തുകയാണ്.
