ഹോട്ടല്‍ മാനേജ്മെന്റ് വിദ്യാര്‍ഥിനി വീട്ടില്‍ മരിച്ച നിലയില്‍; വിവരമറിഞ്ഞത് ജോലിക്ക് പോയ അച്ഛന്‍ ഉച്ചയ്ക്ക് തിരികെ എത്തിയപ്പോള്‍; പെണ്‍കുട്ടി പഠനാവധിക്ക് വീട്ടില്‍ എത്തിയത് ഒരാഴ്ച മുമ്പ്
ഹോട്ടല്‍ മാനേജ്മെന്റ് വിദ്യാര്‍ഥിനി വീട്ടില്‍ മരിച്ച നിലയില്‍
കോഴിക്കോട്: ഹോട്ടല്‍ മാനേജ്മെന്റ് വിദ്യാര്‍ഥിനിയെ വീട്ടില്‍ മരിച്ച നിലയില്‍ കണ്ടെത്തി. പയ്യോളി ബീച്ച് കുറുംബ ഭഗവതി ക്ഷേത്രത്തിന് സമീപം കറുവക്കണ്ടി മനോജിന്റെ മകള്‍ മഞ്ജിമ (19) ആണ് മരിച്ചത്. ജോലിക്ക് പോയിരുന്ന മനോജ് ഉച്ചയ്ക്ക് 11.30 ഓടെ വീട്ടില്‍ തിരികെ എത്തിയപ്പോഴാണ് മഞ്ജിമയെ മരിച്ച നിലയില്‍ കണ്ടെത്തിയത്.
കണ്ണൂരില്‍ ഹോട്ടല്‍ മാനേജ്മെന്റ് ഡിപ്ലോമ വിദ്യാര്‍ഥിയാണ് മഞ്ജിമ. ഒരാഴ്ച മുന്‍പാണ് പഠനാവധിക്ക് വീട്ടിലെത്തിയത്. മൃതദേഹം കൊയിലാണ്ടി താലൂക്ക് ആശുപത്രി മോര്‍ച്ചറിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം നാളെ സംസ്‌കരിക്കും.
മാതാപിതാക്കള്‍ ജോലിക്ക് പോയതിനാല്‍ പെണ്‍കുട്ടി വീട്ടില്‍ ഒറ്റയ്ക്കായിരുന്നു. മൂന്ന് മാസത്തെ ഹോട്ടല്‍ മാനേജ്മെന്റ് കോഴ്സിന് കണ്ണൂരിലെ സ്ഥാപനത്തില്‍ പഠിച്ചുവരികയായിരുന്നു മഞ്ജിമ. 28ന് നടക്കുന്ന പരീക്ഷ എഴുതാന്‍ തയ്യാറെടുത്തു വരുന്നതിനിടെയാണ് മരിച്ച നിലയില്‍ കണ്ടെത്തിയത്.മാതാവ്: ദീപ. സഹോദരന്‍ ഹൃത്വിക് വിദേശത്താണ്.
