കെഎസ്ആര്‍ടിസി ബസില്‍ പെണ്‍കുട്ടിക്ക് നേരേ ലൈംഗികാതിക്രമം; കണ്ടക്ടര്‍ അറസ്റ്റില്‍
കെഎസ്ആര്‍ടിസി ബസില്‍ പെണ്‍കുട്ടിക്ക് നേരേ ലൈംഗികാതിക്രമം; കണ്ടക്ടര്‍ അറസ്റ്റില്‍
ഇടുക്കി: കെഎസ്ആര്‍ടിസി ബസില്‍ യാത്ര ചെയ്യവെ പെണ്‍കുട്ടിക്ക് നേരേ ലൈംഗികാതിക്രമം നടത്തിയെന്ന പരാതിയില്‍ കണ്ടക്ടറെ പോലിസ് അറസ്റ്റ് ചെയ്തു. ജോലിസ്ഥലത്തേക്ക് പോകാനായി ബസില്‍ യാത്ര ചെയ്തിരുന്ന കട്ടപ്പന ഡിപ്പോയിലെ കണ്ടക്ടര്‍ വെഞ്ഞാറമൂട് ജ്യോതിസ് നിവാസില്‍ അരുണ്‍വൈശാഖി (37) നെയാണ് അറസ്റ്റുചെയ്തത്.
തിരുവനന്തപുരത്തുനിന്ന് കട്ടപ്പനയിലേക്കുള്ള ബസില്‍ ബുധനാഴ്ച രാത്രി 11-നാണ് സംഭവം. മുന്‍കൂട്ടി സീറ്റ് റിസര്‍വ് ചെയ്തിരുന്ന പെണ്‍കുട്ടി അടൂരില്‍നിന്നാണ് ബസില്‍ കയറിയത്. കട്ടപ്പനയിലേക്ക് പോകുകയായിരുന്ന പ്രതിയുടെ സീറ്റ് പെണ്‍കുട്ടിയുടെ സീറ്റിന് അടുത്തായിരുന്നു.
കാളിയാറില്‍ എത്തിയപ്പോള്‍ പ്രതി, പെണ്‍കുട്ടിയെ ഉപദ്രവിക്കാന്‍ ശ്രമിച്ചുവെന്നാണ് പരാതി. പെണ്‍കുട്ടി പോലീസ് കണ്‍ട്രോള്‍ റൂമില്‍ വിവരം അറിയിച്ചു. കഞ്ഞിക്കുഴി പോലീസ്, ബസ് തടഞ്ഞ് പ്രതിയെ കസ്റ്റഡിയിലെടുത്തു. തുടര്‍ന്ന് കാളിയാര്‍ പോലീസിന് കൈമാറി. കാളിയാര്‍ എസ്എച്ച്ഒ ബിജു ജോണ്‍ ലുക്കോസ്, എസ്.ഐ. സജി പി.ജോണ്‍ എന്നിവരുടെ നേതൃത്വത്തിലായിരുന്നു നടപടികള്‍.
