മാവേലിക്കര: ആറ്റില്‍ ചാടിയ സിവില്‍ പൊലീസ് ഓഫീസറെ പിന്നാലെ ചാടിയ നാട്ടുകാര്‍ രക്ഷപെടുത്തി. ആലപ്പുഴ ജില്ലയിലെ മാവേലിക്കരയിലാണ് സംഭവം. മാവേലിക്കര പൊലീസ് സ്റ്റേഷനിലെ സിവില്‍ പൊലീസ് ഓഫിസര്‍ അഖില്‍ രാജാണ് അച്ചന്‍കോവില്‍ ആറ്റില്‍ ചാടിയത്. ഇന്നലെ രാവിലെ 11ന് പൊറ്റമേല്‍കടവ് പാലത്തിന് സമീപമായിരുന്നു അഖില്‍ അച്ചന്‍കോവില്‍ ആറ്റില്‍ ചാടിയത്. സംഭവം കണ്ടു നിന്ന നാട്ടുകാര്‍ പിന്നാലെ ചാടി അഖില്‍ രാജിനെ രക്ഷിക്കുകയായിരുന്നു.