തിരുവനന്തപുരം: ഗവര്‍ണറുടെ ഔദ്യോഗിക വസതിയായ രാജ്ഭവന്റെ പേര് ലോക്ഭവന്‍ എന്നു പുനര്‍ നാമകരണം ചെയ്യണമെന്ന ഉത്തരവ് പുറത്തിറക്കി കേന്ദ്ര ആഭ്യന്തര മന്ത്രാലയം. ഉത്തരവിന്റെ ഭാഗമായി അസം, ബംഗാള്‍ രാജ്ഭവനുകളുടെ പേര് മാറ്റി. കേരള രാജ്ഭവനും തിങ്കളാഴ്ച പുതിയ പേര് സ്വീകരിക്കും.

രാജ്ഭവന്‍ എന്നത് കൊളോണിയല്‍ സ്വാധീനമുള്ള പേരാണെന്ന വിലയിരുത്തലാണ് ഈ മാറ്റത്തിന് പിന്നില്‍. പേര് മാറ്റം മറ്റു സംസ്ഥാനങ്ങളിലും ഉടന്‍ നടപ്പിലാക്കുമെന്ന് ആഭ്യന്തര മന്ത്രാലയം വ്യക്തമാക്കി. ജനങ്ങളുടെ ഭവനം എന്നര്‍ത്ഥം വരുന്നതിനാലാണ് ലോക്ഭവന്‍ എന്ന പേര് മാറ്റം.

കേരള ഗവര്‍ണര്‍ രാജേന്ദ്ര ആര്‍ലേക്കറാണ് രാജ്ഭവനുകളുടെ പേര് ലോക്ഭവന്‍ എന്നാക്കണമെന്ന് നിര്‍ദേശിച്ചത്. ലഫ്റ്റനന്റ് ഗവര്‍ണര്‍മാരുടെ ഔദ്യോഗിക വസതിയായ രാജ്‌നിവാസിന്റെ പേര് 'ലോക്‌നിവാസ്' എന്നാക്കാനും തീരുമാനിച്ചിട്ടുണ്ട്.

സ്വന്തം ലേഖകൻ