തമ്മനം പമ്പ് ഹൗസില്‍ അറ്റകുറ്റപ്പണികള്‍; കൊച്ചി നഗരത്തില്‍ ഇന്ന് രാത്രി മുതല്‍ രണ്ടുദിവസം കുടിവെള്ളം മുടങ്ങും

കൊച്ചി: തമ്മനം പമ്പ് ഹൗസില്‍ അറ്റകുറ്റപ്പണികള്‍ നടക്കുന്നതിനാല്‍ കൊച്ചി നഗരത്തില്‍ ഇന്ന് രാത്രി മുതല്‍ രണ്ടുദിവസം കുടിവെള്ളം മുടങ്ങും. കോര്‍പറേഷന്‍ ഡിവിഷനുകളിലും ചേരാനെല്ലൂര്‍, മുളവുകാട് പഞ്ചായത്തുകളിലും വെളളം കിട്ടില്ല. തമ്മനം പമ്പ് ഹൗസിലെ അറ്റകുറ്റ പണികള്‍ക്ക് ശേഷം വെള്ളം എത്തുക മറ്റന്നാള്‍ രാത്രിയോടെ ആയിരിക്കും. ഇന്ന് രാത്രി പത്തുമണി മുതല്‍ രണ്ടുദിവസത്തേക്കാണ് കുടിവെളളം മുടങ്ങുന്നത്.

നാലാം തീയതി രാത്രി ഒമ്പതു മണി വരെയാകും കുടിവെളളം മുടങ്ങുക. കോര്‍പറേഷന്റെ എല്ലാ ഡിവിഷനുകളിലും ചേരാനെല്ലൂര്‍, മുളവുകാട് പഞ്ചായത്തുകളിലും വെളളം കിട്ടില്ല. തമ്മനം പമ്പ് ഹൗസിലെ അറ്റകുറ്റപ്പണികള്‍ നടക്കുന്നതിനാലാണ് ജലവിതരണം മുടങ്ങുകയെന്ന് ജല അതോറിറ്റി അറിയിച്ചു.