ട്രെയിന് യാത്രയ്ക്കിടെ ജൂവലറി ഉടമയുടെ 5.53 കോടി രൂപയുടെ സ്വര്ണം കൊള്ളയടിച്ചു; അന്വേഷണം ആരംഭിച്ച് റെയില്വേ പോലിസ്
ട്രെയിന് യാത്രയ്ക്കിടെ ജൂവലറി ഉടമയുടെ 5.53 കോടി രൂപയുടെ സ്വര്ണം കൊള്ളയടിച്ചു
മുംബൈ: ട്രെയിന് യാത്രയ്ക്കിടെ ഉറങ്ങിപ്പോയ സ്വര്ണ വ്യാപാരിയുടെ 5.53 കോടി രൂപയുടെ സ്വര്ണം കൊള്ളയടിച്ചു. സോളാപുരില്നിന്ന് മുംബൈയിലേക്ക് യാത്ര ചെയ്ത സ്വര്ണവ്യാപാരിയാണ് കൊള്ളയടിക്കപ്പെട്ടത്. സോളാപുരില്നിന്ന് മുംബൈയിലേക്ക് സിദ്ധേശ്വര് എക്സ്പ്രസ് ട്രെയിനില് യാത്രചെയ്യുമ്പോഴാണ് സംഭവം.
കല്യാണ് ഗവണ്മെന്റ് റെയില്വേ പോലീസ് (ജിആര്പി) പറയുന്നതനുസരിച്ച്, വ്യാപാരി 4,456 ഗ്രാം സ്വര്ണാഭരണങ്ങള് അടങ്ങിയ രണ്ട് ട്രോളി ബാഗുകള് ചെയിന് ഉപയോഗിച്ച് തന്റെ സീറ്റിനടിയില് പൂട്ടിവെച്ചിരുന്നു. ഉറങ്ങിയപ്പോഴായിരുന്നു മോഷണം. വ്യാപാരി ഉണര്ന്നപ്പോള് രണ്ട് ബാഗുകളും നഷ്ടപ്പെട്ടതായി കണ്ടെത്തി.
പരാതിയുടെ അടിസ്ഥാനത്തില് അന്വേഷണം ആരംഭിച്ചതായി റെയില്വേ പോലീസ് അറിയിച്ചു. യാത്രക്കാരുടെ പട്ടിക, റൂട്ടിലെ പ്രധാന സ്റ്റേഷനുകളില്നിന്നുള്ള സിസിടിവി ദൃശ്യങ്ങള് എന്നിവ കേന്ദ്രീകരിച്ച് അന്വേഷണം നടക്കുകയാണ്.
