തെരഞ്ഞടുപ്പില് പത്ത് വോട്ട് കിട്ടാന് പല ശ്രമങ്ങളും നടക്കുന്നുണ്ട്; ഒരു പാട്ടില് കലങ്ങിപ്പോകുന്നതല്ല ഇടതുമുന്നണിയുടെ രാഷ്ട്രീയമെന്ന് ഇപി ജയരാജന്
കണ്ണൂര് :പോറ്റിയെ കേറ്റിയെ' ഗാനവിവാദത്തില് പ്രതികരണവുമായി സി.പി.എം കേന്ദ്ര കമ്മിറ്റിയംഗം ഇ.പി ജയരാജന്. കണ്ണൂരില് മാധ്യമങ്ങളോട് പ്രതികരിക്കുകയായിരുന്നു അദ്ദേഹം. ഒരു പാട്ടില് കലങ്ങിപ്പോകുന്നതല്ല തങ്ങളുടെ രാഷ്ട്രീയമെന്നും ഇ.പി പറഞ്ഞു. തെരഞ്ഞടുപ്പില് പത്ത് വോട്ട് കിട്ടാന് പല ശ്രമങ്ങളും നടക്കുന്നുണ്ട് കോണ്ഗ്രസ് എം.പിമാര് പാടിയ പാട്ട് താന് കേട്ടിട്ടില്ല എന്നതിനാല് കൂടുതല് അഭിപ്രായം പറയുന്നില്ലെന്നും ഇ പി കൂട്ടിച്ചേര്ത്തു.
പാര്ലമെന്റ് വളപ്പില് പാരഡിപ്പാട്ട് പാടിയ യുഡിഎഫ് എംപിമാര് അത് പാട്ട് പാടാനുള്ള കേന്ദ്രമായി ധരിച്ചുകാണും. ജനങ്ങള്ക്കും കേരളത്തിനും വേണ്ടിയുള്ള പ്രശ്നങ്ങള് അവര് പറയാറില്ലെന്നും ഇ പി ജയരാജന് കുറ്റപ്പെടുത്തി.. തങ്ങള് എല്ലാ കാലവും ആവിഷ്കാര സ്വാതന്ത്രത്തിനൊപ്പമാണ്. ദൈവത്തെ തെറ്റായ വഴിയില് പ്രചാരണത്തിനുപയോഗിച്ച് രാജ്യത്ത് അരാജകത്വം സൃഷ്ടിക്കാനുള്ള നീക്കത്തെ പാര്ട്ടി പ്രോത്സാഹിപ്പിക്കില്ലെന്നും ഇ പി പറഞ്ഞു.
ശബരിമല സ്വര്ണപ്പാളി വിവാദത്തില് ഇടതുപക്ഷമെന്ത് തെറ്റാണ് ചെയ്തതതെന്നും ഇ പി ചോദിച്ചു. ലോകപ്രശസ്തമായ തീര്ത്ഥാടന കേന്ദ്രമാണ് ശബരിമല. ഇടതുപക്ഷം ഭംഗിയായി അയ്യപ്പസംഗമം സംഘടിപ്പിച്ചു. അപ്പോഴാണ് അതിനെ കളങ്കപ്പെടുത്താന് കോണ്ഗ്രസ് ഒരു പോറ്റിയെ കൊണ്ടുവന്നത്. വിഷയത്തില് ഹൈകോടതി ശക്തമായ അന്വേഷണം നടത്തണമെന്ന് ആവശ്യപ്പെട്ടപ്പോള് സര്ക്കാര് അത് ചെയ്തു. സര്ക്കാര് ആരെയും സംരക്ഷിച്ചിട്ടില്ല. നീതിപൂര്വവും സത്യസന്ധവുമായ നിലപാട് സ്വീകരിച്ച ഈ സര്ക്കാരിന് വിശ്വാസികളും വോട്ടര്മാരും കൂടുതല് പിന്തുണ നല്കുകയാണ് ചെയ്യുകയെന്നും അദ്ദേഹം പറഞ്ഞു.
വെള്ളാപ്പള്ളി മുഖ്യമന്ത്രിക്കൊപ്പം കാറില് സഞ്ചരിച്ചത് തിരിച്ചടിയായെന്ന വാദം ബാലിശമാണ്. ആരെങ്കിലും വന്നതുകൊണ്ടും പോയതുകൊണ്ടും വോട്ടുകള് നഷ്ടപ്പെടില്ല വെള്ളാപള്ളി കാരണമാണ് വോട്ടു കുറഞ്ഞതെന്ന പ്രചാരണം ദുരുദ്ദേശപരമാണ്. പിണറായി വെണ്ടുട്ടായിയില് ക്രിസ്തുമസ് -പുതുവത്സര ആഘോഷത്തിന്റെ ഭാഗമായുണ്ടാക്കിയ പടക്കമാണ് പൊട്ടിയത്. ചരട് കൊണ്ട് കെട്ടിയ പടക്കമാണ് അപകടമുണ്ടാക്കിയത്. അതു ബോംബ് സ്ഫോടനമാണെന്ന് വ്യാഖ്യാനിച്ച് കണ്ണൂരിലെ ക്രമസമാധാനം കളയരുത്. കെട്ട് പടക്കങ്ങള് ചില സമയങ്ങളില് അപകടമുണ്ടാക്കാറുണ്ട്.
കെട്ട് അല്പ്പം മുറുകിപ്പോയാല് സ്ഫോടനമുണ്ടാകും അനു ഭവസ്ഥര് അല്ലെങ്കില് അപകടമുണ്ടാകും. അങ്ങനെയുള്ള അപകടമാണ് കഴിഞ്ഞ ദിവസമുണ്ടായതെന്നും ഇ.പി ജയരാജന് മാധ്യമ ങ്ങളോട് പറഞ്ഞു.
