നെടുമങ്ങാട് ഹോട്ടലില്‍ പൊട്ടിത്തെറി; പൊള്ളലേറ്റ് ചികിത്സയിലായിരുന്ന ഒരാള്‍ കൂടി മരിച്ചു

തിരുവനന്തപുരം: നെടുമങ്ങാട് പാചക വാതക സിലിണ്ടര്‍ പൊട്ടിത്തെറിച്ചുണ്ടായ അപകടത്തില്‍ പരിക്കേറ്റ ഒരാള്‍ കൂടി മരിച്ചു. പാലോട് പ്ലാവറ സ്വദേശി സിമി സന്തോഷ് (44) ആണ് മരിച്ചത്. 15ന് അഴിക്കോട് ജങ്ഷനിലെ ഹോട്ടലിലാണ് ഗ്യാസ് ചോര്‍ന്ന് പൊട്ടിത്തെറിയുണ്ടായത്. സ്ഥാപനത്തിലെ രണ്ട്ജീവനക്കാരും ഭക്ഷണം കഴിക്കാനെത്തിയ അഴിക്കോട് മരുതിനകം റോഡരികത്ത് വീട്ടില്‍ നവാസ് എന്നയാളുമാണ് അപകടത്തില്‍പ്പെട്ടത്.

പൊട്ടിത്തെറിയില്‍ തീപ്പൊള്ളലേറ്റ് ചികിത്സയിലിരുന്ന നവാസ് ഇന്നലെ മരിച്ചു. ഗ്ലാസു കൊണ്ട് മറച്ച കടയില്‍ ഗ്യാസ് ലീക്കായ വിവരം ആരും അറിഞ്ഞിരുന്നില്ല. ജീവനക്കാരി സ്റ്റൗ കത്തിക്കാന്‍ ശ്രമിച്ചതോടെ ഉഗ്രസ്‌ഫോടനത്തില്‍ തീപടര്‍ന്നു. നവാസ് മുസ്ലിംലീഗ് അരുവിക്കര പഞ്ചായത്ത് കമ്മിറ്റി അംഗമാണ്.