മലപ്പുറം: കരുളായിയില്‍ നിന്ന് കാണാതായ പതിനെഴുകാരിയെ കണ്ടെത്തി. പ്ലസ് ടു വിദ്യാര്‍ഥിനിയായ കരുളായി സ്വദേശിനിയെയാണ് കോഴിക്കോട് നിന്ന് കണ്ടെത്തിയത്.കോഴിക്കോട് ബസ് സ്റ്റാന്‍ഡില്‍ കണ്ടതായി വിവരം കിട്ടിയതിനെ തുടര്‍ന്ന് സഹോദരങ്ങള്‍ അവിടെയെത്തി പരിശോധിച്ചെങ്കിലും ആദ്യം കുട്ടിയെ കണ്ടെത്താന്‍ കഴിഞ്ഞില്ല.

പിന്നീട് കെഎസ്ആര്‍ടിസി സ്റ്റാന്‍ഡില്‍ നിന്ന് കണ്ടെത്തുകയായിരുന്നു.ശനിയാഴ്ച രാത്രിയോടെയാണ് കുട്ടിയെ ലഭിച്ചത്. വെള്ളിയാഴ്ച മുതലാണ് പെണ്‍കുട്ടിയെ കാണാതായത്. വീട്ടുകാരുമായി പിണങ്ങി പെണ്‍കുട്ടി ഉച്ചക്ക് വീട് വിട്ട് ഇറങ്ങുകയായിരുന്നു

സ്വന്തം ലേഖകൻ