തദ്ദേശ തെരഞ്ഞെടുപ്പില് സിപിഎം വിമതനായി മത്സരിച്ചതിന് വധഭീഷണി; സിപിഎം മുന് ഏരിയ സെക്രട്ടറി വി ആര് രാമകൃഷ്ണന് ബിജെപിയില്
പാലക്കാട്: തദ്ദേശ തെരഞ്ഞെടുപ്പില് സിപിഎം വിമതനായി മത്സരിച്ചതിന് ലോക്കല് സെക്രട്ടറിയില് നിന്നും വധഭീഷണി നേരിട്ട സിപിഎം മുന് ഏരിയ സെക്രട്ടറി ബിജെപിയില് ചേര്ന്നു. അട്ടപ്പാടി ഏരിയ സെക്രട്ടറിയായിരുന്ന വി ആര് രാമകൃഷ്ണനാണ് ബിജെപിയുമായി സഹകരിക്കാന് തീരുമാനിച്ചത്. തദ്ദേശ തെരഞ്ഞെടുപ്പില് അഗളി പഞ്ചായത്തില് സിപിഎം വിമതനായി മത്സരിച്ചിരുന്നു. പിന്നാലെ അഗളി ലോക്കല് സെക്രട്ടറി എന് ജംഷീര് ഫോണ് വിളിച്ച് വധഭീഷണി മുഴക്കിയത് വിവാദമായിരുന്നു.
42 വര്ഷമായി അട്ടപ്പാടിയിലെ സിപിഎം സജീവ പ്രവര്ത്തകനും രണ്ടു ടേമുകളിലായി ആറു വര്ഷം അട്ടപ്പാടി ഏരിയ സെക്രട്ടറിയുമായിരുന്ന ആളാണ് വി ആര് രാമകൃഷ്ണന്. 12 വര്ഷം ജെല്ലിപ്പാറ ലോക്കല് സെക്രട്ടറിയായും പ്രവര്ത്തിച്ചിട്ടുണ്ട്. അതേസമയം, സംഭവത്തില് വിശദീകരണവുമായി സിപിഎം പ്രാദേശിക നേതൃത്വം രം?ഗത്തെത്തിയിട്ടുണ്ട്. നാലര വര്ഷം മുന്പ് രാമൃഷ്ണനെ പുറത്താക്കിയതാണെന്നാണ് നേതൃത്വത്തിന്റെ വിശദീകരണം. നാലരവര്ഷം മുമ്പ് പാര്ട്ടി അംഗത്വം നല്കാതിരുന്നത് മുതല് സിപിഎമ്മുമായി സഹകരിക്കുന്നില്ലെന്ന് രാമകൃഷ്ണനും വ്യക്തമാക്കി.
