വഴിയാത്രക്കാരെ ആക്രമിച്ച് മൊബൈലും പണവും കവര്‍ന്ന കേസില്‍ ഒന്നാം പ്രതി പിടിയില്‍

പത്തനംതിട്ട: പത്തനംതിട്ടയില്‍ വഴിയാത്രക്കാരെ ആക്രമിച്ച് മൊബൈലും പണവും കവര്‍ച്ച ചെയ്ത കേസില്‍ ഒന്നാം പ്രതിയെ പത്തനംതിട്ട പൊലീസ് പിടികൂടി. വലഞ്ചുഴി സ്വദേശി 37 വയസ്സുകാരനായ അക്ബര്‍ ഖാന്‍ ആണ് പിടിയിലായത്. കഴിഞ്ഞദിവസം രാത്രി കെഎസ്ആര്‍ടിസി ബസ് സ്റ്റാന്‍ഡിന് സമീപം വെച്ച് മൂന്ന് പേര്‍ ചേര്‍ന്ന് യാത്രക്കാരനെ കൊള്ളയടിക്കുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. മറ്റ് രണ്ടു പ്രതികള്‍ക്കായി അന്വേഷണം നടക്കുന്നു. ഇരുപത്തിയേഴായിരം രൂപ വില വരുന്ന മൊബൈല്‍ ഫോണും 1500 രൂപയും ആണ് കവര്‍ച്ച ചെയ്തത്.