പ്രായപൂര്ത്തിയാകാത്ത പെണ്കുട്ടിയെ മൂന്ന് വര്ഷത്തോളം പീഡിപ്പിച്ചു; അശ്ലീല വീഡോയകള് അയച്ചും ഭീഷണിപ്പെടുത്തിയും കുട്ടിയെ മാനസികമായി തകര്ത്തു: എഞ്ചിനീയറിംഗ് ബിദുദധാരിയായ 33കാരന് അറസ്റ്റില്
പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചു; 33കാരന് അറസ്റ്റില്
കോഴിക്കോട്: പ്രായപൂര്ത്തിയാകാത്ത പെണ്കുട്ടിയെ മൂന്ന് വര്ഷത്തോളം ലൈംഗികമായി പീഡിപ്പിച്ച 33കാരന് അറസ്റ്റില്. എഞ്ചിനിയറിംഗ് ബിരുദധാരിയായ പത്തനംതിട്ട നൂറനാട് പാലവിളയില് വീട്ടില് അശ്വിന് എസ് രാജി(33)നെയാണ് കോഴിക്കോട് ഫറോക്ക് പൊലീസ് അറസ്റ്റ് ചെയ്തത്. ഇയാള് കോഴിക്കോട് ജില്ലാ അതിര്ത്തിയായ രാമനാട്ടുകരക്ക് സമീപം വൈദ്യരങ്ങാടിയില് കുടുംബവുമൊത്ത് താമസിച്ചു വരവെയാണ് ലൈംഗികാതിക്രമണം നടത്തിയത്.
പ്രായപൂര്ത്തിയാകാത്ത വിദ്യാര്ത്ഥിനിയെ 2022 നവംബര് മുതല് മൂന്ന് വര്ഷത്തോളം വിവിധ തവണകളായി ഇയാള് പെണ്കുട്ടിയെ ഉപദ്രവിച്ചതായാണ് പരാതി. പെണ്കുട്ടിക്ക് സാമൂഹമാധ്യമങ്ങള് വഴി അശ്ലീല വിഡിയോകള് അയച്ചു കൊടുക്കുകയും ഭീഷണിപ്പെടുത്തുകയും ചെയ്ത പ്രതി മാനസികമായും ലൈംഗികമായും പീഡിപ്പിക്കുകയായിരുന്നു. പരാതിയുടെ അടിസ്ഥാനത്തില് നടത്തിയ അന്വേഷണത്തിനൊടുവില് ഫറോക്ക് പൊലീസ് ഇന്സ്പെക്ടര് ടിഎസ് ശ്രീജിത്തിന്റെ നേതൃത്വത്തിലുള്ള സംഘമാണ് പോക്സോ അടക്കമുള്ള വകുപ്പുകള് ചുമത്തി അശ്വിനെ അറസ്റ്റ് ചെയ്തത്. തുടര്ന്ന് കോടതിയില് ഹാജരാക്കിയ ഇയാളെ റിമാന്റ് ചെയ്തു.
