അമ്മയുടെ വിവാഹേതരബന്ധം ശാരീരികവും മാനസികവുമായി ബുദ്ധിമുട്ടിക്കുന്നു; അടിയന്ത നടപടി സ്വീകരിക്കണമെന്ന് മനുഷ്യാവകാശ കമ്മിഷന്
അമ്മയുടെ വിവാഹേതരബന്ധം ബുദ്ധിമുട്ടിക്കുന്നു'; പരാതിയുമായി മക്കൾ
കല്പറ്റ: അമ്മയുടെ വിവാഹേതരബന്ധത്തിനെതിരെ പരാതിയുമായി മക്കള്. അമ്മയുടെ വിവാഹേതരബന്ധം കാരണം ശാരീരികവും മാനസികവുമായ ബുദ്ധിമുട്ടുകള് അനുഭവിക്കുകയാണെന്ന മക്കളുടെ പരാതിയില് മീനങ്ങാടി പൊലീസ് എസ്എച്ച്ഒ അടിയന്തരവും നിയമാനുസൃതവുമായ നടപടികള് സ്വീകരിക്കണമെന്ന് മനുഷ്യാവകാശ കമ്മിഷന്. പരാതിക്കാരായ കുട്ടികള്ക്ക് അമ്മയില് നിന്നോ അമ്മയുടെ സുഹൃത്തില് നിന്നോ ഭാവിയില് ദേഹോപദ്രവമോ മറ്റ് ഭീഷണിയോ ഉണ്ടായാല് മീനങ്ങാടി പൊലീസ് എസ്എച്ച്ഒയെ സമീപിക്കാമെന്നും കമ്മിഷന് ജുഡീഷ്യല് അംഗമായ കെ. ബൈജുനാഥ് പരാതിക്കാരായ കുട്ടികളോട് നിര്ദ്ദേശിച്ചു.
കുടുംബത്തിനുള്ളിലെ തര്ക്കവിഷയങ്ങളില് നടപടി സ്വീകരിക്കുന്നതിന് കമ്മിഷനു നിയമപരമായ പരിമിതികളുണ്ടെന്നും ഉത്തരവില് പറയുന്നു. കുട്ടികളുടെ അമ്മയ്ക്കു താക്കീത് നല്കിയതായും മാതാപിതാക്കള് തമ്മിലുള്ള പ്രശ്നം കുടുംബ കോടതിയിലൂടെ പരിഹരിക്കാന് നിര്ദ്ദേശം നല്കിയിട്ടുണ്ടെന്നും എസ്എച്ച്ഒ മനുഷ്യാവകാശ കമ്മിഷനു സമര്പ്പിച്ച റിപ്പോര്ട്ടില് പറഞ്ഞു.
