തിരുവനന്തപുരം: സംസ്ഥാനത്തെ സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ആശ്വാസമായി 10 ശതമാനം ഡി.എ കുടിശ്ശിക കൂടി അനുവദിച്ച് സര്‍ക്കാര്‍ ഉത്തരവിറങ്ങി. ഇതോടെ ഈ മാര്‍ച്ചിലെ ശമ്പളത്തോടൊപ്പം 32 ശതമാനം നിരക്കില്‍ ഡി.എ ജീവനക്കാര്‍ക്ക് ലഭിക്കും. അഡീഷണല്‍ ചീഫ് സെക്രട്ടറി കെ.ആര്‍. ജ്യോതിലാല്‍ പുറപ്പെടുവിച്ച ഉത്തരവ് പ്രകാരം, ബജറ്റില്‍ വാഗ്ദാനം ചെയ്ത 10 ശതമാനം കുടിശ്ശികയാണ് ഇപ്പോള്‍ പൂര്‍ണ്ണമായും അനുവദിച്ചിരിക്കുന്നത്.

കഴിഞ്ഞ ആഴ്ച അനുവദിച്ച 3 ശതമാനത്തിന് പുറമെയാണിത്. മൊത്തം ലഭിക്കേണ്ടിയിരുന്ന 35 ശതമാനം ഡി.എയില്‍, കുടിശ്ശികയായിരുന്ന 13 ശതമാനത്തില്‍ 10 ശതമാനവും നല്‍കുന്നതോടെ വലിയൊരു സാമ്പത്തിക പ്രതിസന്ധിക്ക് താല്‍ക്കാലിക ശമനമാകും. സാമ്പത്തിക പ്രതിസന്ധികള്‍ക്കിടയിലും ജീവനക്കാരുടെ ദീര്‍ഘകാലമായുള്ള ആവശ്യം പരിഗണിച്ചാണ് സര്‍ക്കാരിന്റെ ഈ സുപ്രധാന നീക്കം. മാര്‍ച്ചിലെ ശമ്പളത്തിലും പെന്‍ഷനിലും ഈ വര്‍ദ്ധനവ് പ്രതിഫലിക്കും.

സ്വന്തം ലേഖകൻ