കുസാറ്റ് ഷിപ്പ് ടെക്‌നോളജി ഡിപ്പാർട്ട്‌മെന്റ് മുൻ മേധാവി ഡോ.എസ്. കെ. പ്യാരിലാൽ അന്തരിച്ചു; വിട പറഞ്ഞത് കേരളത്തിലെ അറിയപ്പെടുന്ന ബോട്ട് സേഫ്റ്റി ഓഡിറ്റ് വിദഗ്ധൻ

കൊച്ചി: കൊച്ചിൻ യൂണിവേഴ്‌സിറ്റി ശ്രീലാലയത്തിൽ ഡോ.എസ്. കെ. പ്യാരിലാൽ (64) നിര്യാതനായി. കുസാറ്റ് ഷിപ്പ് ടെക്‌നോളജി ഡിപ്പാർട്ട്‌മെന്റിന്റെ മേധാവി ആയി സേവനം അനുഷ്ടിച്ച് വിരമിച്ചതാണ്. ജർമനിയിൽ നിന്ന് ഷിപ് ടെക്‌നോളജിയിൽ ഡോക്ടറേറ്റ് നേടിയിട്ടുണ്ട്. കേരള സർക്കാരിന്റെ ബൊട്ട് സേഫ്ടി ആഡിറ്റ് ചെയ്യുന്ന വിദഗ്ധൻ ആയിരുന്നു. തേക്കടി ബോട്ടു ദുരന്തത്തിന്റെ എൻക്വയറി ഓഫീസറും ആയി പ്രവർത്തിച്ചിട്ടുണ്ട്.

ഭാര്യ ഡോ. അംബിക പ്യാരിലാൽ. മക്കൾ : ഡോ.വഹദ കാർത്തിക്, ആഷിക് ലാൽ മരുമകൻ : കാർത്തിക് സഹോദരങ്ങൾ: ഡോ.രാജേശ്വരി അമ്മ എസ്. കെ, ശ്രീമതി. ജോസീ ബായി എസ്. കെ, ഡോ. സോഹൻ റോയി എസ്. കെ. (സിഇഒ, ഏരീസ് ഗ്രൂപ്പ് ഓഫ് കമ്പനി ).