പശുവിനെ കെട്ടാൻ പോയ വയോധിക കടന്നൽ കുത്തേറ്റ് മരിച്ചു; ചികിത്സയിലിരിക്കേ മരിച്ചത് കഴക്കൂട്ടം മേനംകുളം സ്വദേശിനി

തിരുവനന്തപുരം:വീടിന് സമീപത്തെ പുരയിടത്തിൽ പശുവിനെ കെട്ടാൻ പോയ വയോധിക കടന്നൽ കുത്തേറ്റ് മരിച്ചു.കഴക്കൂട്ടം മേനംകുളം സ്വദേശിനി ലീല(70) യാണ് മരിച്ചത്. ഇന്നലെയാണ് ഇവർക്ക് കടന്നലിന്റെ കുത്തേറ്റത്.

വീടിന് സമീപത്തെ പുരയിടത്തിൽ പശുവിനെ കെട്ടാനെത്തിയതായിരുന്നു ലീല.ഉടൻ തന്നെ കഴക്കൂട്ടത്തെ സ്വകാര്യ ആശുപത്രിയിലെത്തിച്ച ലീലയെ വിദഗ്ദ്ധ ചികിത്സയ്ക്കായി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു.ഇവിടെ ചികിത്സയിലിരിക്കെയാണ് ഇന്ന് പുലർച്ചെ മരണം സംഭവിച്ചത്.