ഓണാഘോഷത്തിന് ശേഷമുള്ള മദ്യപാനത്തെ തുടർന്നുണ്ടായ തർക്കം സംഘട്ടനത്തിൽ കലാശിച്ചു; കോട്ടയം നീണ്ടൂർ ഓണംതുരുത്തിൽ ഒരാൾ കുത്തേറ്റു മരിച്ചു; കൊല്ലപ്പെട്ടത് നീണ്ടൂർ സ്വദേശി അശ്വിൻ

കോട്ടയം: യുവാക്കൾ തമ്മിലുള്ള സംഘട്ടനത്തിനിടെ ഒരാൾ കുത്തേറ്റു മരിച്ചു. കോട്ടയം നീണ്ടൂർ ഓണംതുരുത്തിലാണു സംഭവം. നീണ്ടൂർ സ്വദേശി അശ്വിൻ (23) ആണ് മരിച്ചത്. അശ്വിനൊപ്പമുണ്ടായിരുന്ന അനന്തുവിനു സംഘട്ടനത്തിൽ പരുക്കേറ്റു. രാത്രി 10 മണിയോടെയാണ് ഓണംതുരുത്ത് കവലയിൽ യുവാക്കളുടെ സംഘം ഏറ്റുമുട്ടിയത്.

ഓണാഘോഷത്തിന് ശേഷമുള്ള മദ്യപാനത്തെ തുടർന്നുണ്ടായ തർക്കമാണ് സംഘട്ടനത്തിൽ കലാശിച്ചതെന്നാണു പ്രാഥമിക വിവരം. ഗുരുതരമായി പരുക്കേറ്റ അശ്വിനെയും അനന്തുവിനെയും ഉടൻതന്നെ കോട്ടയം മെഡിക്കൽ കോളജിലേക്കു കൊണ്ടുപോയെങ്കിലും അശ്വിൻ വഴിമധ്യേ മരിച്ചു. അനന്തു ഗുരുതര പരുക്കുകളോടെ ചികിത്സയിലാണ്. പ്രതികളെ ഉടൻ പിടികൂടുമെന്ന് പൊലീസ് അറിയിച്ചു.