പാലക്കാട് വൻ സ്പിരിറ്റ് വേട്ട; എക്സൈസ് പിടിച്ചെടുത്തത് രണ്ട് കന്നാസുകളിലായി സൂക്ഷിച്ചിരുന്ന 70 ലിറ്റർ സ്പിരിറ്റ്; പ്രതികൾക്കായി അന്വേഷണം ആരംഭിച്ച് പോലീസ്

പാലക്കാട്: എക്സൈസ് സംഘം നടത്തിയ പരിശോധനയിൽ പിടിച്ചെടുത്തത് കന്നാസുകളിൽ കടത്തിയ സ്പിരിറ്റ്. ചിറ്റൂരിലാണ് കന്നാസുകളിൽ കടത്തിക്കൊണ്ട് വന്ന 70 ലിറ്റർ സ്പിരിറ്റ് എക്സൈസ് കണ്ടെടുത്തത്. രണ്ട് കന്നാസുകളിയായി സൂക്ഷിച്ചിരുന്നത്. പാലക്കാട് എക്സൈസ് ഐബി പാർട്ടിയും, ചിറ്റൂർ എക്സൈസ് റേഞ്ച് സംഘവും സംയുക്തമായി നടത്തിയ പരിശോധനയിലാണ് ചിറ്റൂർ-കമ്പിളി ചുങ്കം റോഡിൽ വച്ച് സ്പിരിറ്റ് കണ്ടെത്തത്. സംഭവത്തിൽ പ്രതികൾക്കായുള്ള അന്വേഷണം പോലീസ് ആരംഭിച്ചു.

പാലക്കാട് ഐബി എക്സൈസ് സംഘത്തിൽ നിന്നും ഇൻസ്പെക്ടർ നൗഫൽ.എൻ, ചിറ്റൂർ റേഞ്ച് എക്സൈസ് ഇൻസ്പെക്ടർ ബാലഗോപാലൻ.എസ്, പാലക്കാട് ഐബിയിലെ അസിസ്റ്റന്റ് എക്സൈസ് ഇൻസ്പെക്ടർമാരായ ഓസ്റ്റിൻ.കെ.ജെ, സുരേഷ്.ആർ.എസ്, വിശ്വകുമാർ.ടി.ആർ, സുനിൽകുമാർ.വി.ആർ, പ്രസാദ്.കെ എന്നിവരും.

ചിറ്റൂർ റേഞ്ചിൽ നിന്നും അസിസ്റ്റന്റ് എക്സൈസ് ഇൻസ്പെക്ടർ ഫ്രാൻസിസ്.സി.ജെ, പ്രിവന്റീവ് ഓഫീസർ ഗുരുവായൂരപ്പൻ, സിവിൽ എക്സൈസ് ഓഫീസർ സന്തോഷ് കുമാർ, സിവിൽ എക്സൈസ് ഓഫീസർ ഡ്രൈവർ ശെൽവകുമാർ എന്നിവരും പരിശോധന സംഘത്തിലുണ്ടായിരുന്നു.