കണ്ണൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ചുവെന്ന പരാതിയിൽ ഇലക്ട്രീഷ്യനായ യുവാവിനെ പോക് സോ വകുപ്പ് ചുമത്തി അറസ്റ്റ് ചെയ്തു. കക്കാട്പള്ളിപ്രം കരിക്കൻ കണ്ടിച്ചിറയിലെ സറീന മൻസിൽ പി.അനസ്സി(23)നെയാണ് ടൗൺ സിഐ 'ബിനു മോഹനനും സംഘവും അറസ്റ്റ് ചെയ്തത്.പത്താം ക്ലാസ് വിദ്യാർത്ഥിനി ക്ലാസിൽ പഠനത്തിൽ മൂകത കാട്ടാൻ തുടങ്ങിയപ്പോൾ കൗൺസിലിങ്ങിന് വിധേയമാക്കുകയും തുടർന്ന് വിദ്യാർത്ഥിനി പീഡനവിവരം അദ്ധ്യാപികയോട് പറയുകയുമായിരുന്നു.

വയലിൽ പോത്തിനെ മെയ്‌ക്കാൻ എത്തിയ പ്രതി പരിചയപ്പെടുകയും നിരവധി തവണ പീഡിപ്പിച്ചുവെന്നുമാണ് പെൺകുട്ടി വെളിപ്പെടുത്തിയത്. അതോടൊപ്പം തന്നെ എട്ടു വർഷം മുൻപ്ഒരു ബന്ധുവും ആദ്യമായി പീഡിപ്പിച്ചിട്ടുണ്ടെന്നും പെൺകുട്ടി പറയുന്നു.സ്‌കൂൾ പ്രധാനധ്യാപകന്റെ പരാതിയിലാണ് നടപടി. പ്രതിയെ അറസ്റ്റു ചെയ്തു കോടതിയിൽ ഹാജരാക്കി റിമാൻഡ് ചെയ്തു.