ആലപ്പുഴ: ആലപ്പുഴ വാടയ്ക്കൽ കടപ്പുറത്ത് എംഎൽഎക്കെതിരെ ജനരോഷം. കടലിൽ മത്സ്യത്തൊഴിലാളിയെ കാണാതായ സംഭവത്തിൽ പ്രതിഷേധിച്ച് എംഎൽഎ എച്ച് സലാമിനെ നാട്ടുകാർ തടഞ്ഞുവെച്ചത്. ബൈപ്പാസിലെ വാഹനങ്ങളും മത്സ്യത്തൊഴിലാളികൾ തടഞ്ഞു.

ഇന്ന് ഉച്ചയോടെയാണ് പുന്നപ്ര സ്വദേശിയായ സൈറസെന്ന ആളെ കാണാതായത്. രാവിലെ പൊന്തുവള്ളത്തിൽ മത്സ്യബന്ധത്തിന് പോയതാണ് സൈറസ്. ഉച്ചയോടെ മത്സ്യഗന്ധിക്ക് സമീപം ന്തുവള്ളം കരയക്കടിഞ്ഞു. ഉടൻ തന്നെ പൊലീസിനെയും ഫിഷറീസ് വകുപ്പിലും അറിയിച്ചെങ്കിലും തിരച്ചിൽ വൈകിയെന്നാണ് നാട്ടുകാരുടെ പരാതി. തെരച്ചിലിനായി വൈകിട്ട് ആറരയോടെയാണ് ഫിഷറീസ് ബോട്ട് എത്തിയതെന്ന് നാട്ടുകാർ ആരോപിക്കുന്നു. സ്ഥലം എംഎൽഎയായ എച്ച് സലാം ഏഴ് മണിയോടെയാണ് സ്ഥലത്തെത്തിയത്. ഇതിൽ പ്രതിഷേധിച്ചാണ് എംഎൽഎക്കെതിരെയെ നാട്ടുകാർ തടഞ്ഞുവെച്ചത്.