ഹിന്ദി അറിയാത്തതിനാൽ കേരളത്തിൽ ചോദ്യം ചെയ്യലിന് ഹാജരാവാൻ അനുമതി വേണം; പോപ്പുലർഫ്രണ്ട് നേതാക്കളുടെ ചോദ്യംചെയ്യൽ കേരളത്തിലേക്ക് മാറ്റണമെന്ന ഹർജി ഹൈക്കോടതി തള്ളി

എറണാകുളം:കള്ളപ്പണ ഇടപാടിൽ പോപ്പുലർഫ്രണ്ടിനെതിരായ കേസിൽ ചോദ്യം ചെയ്യലിനായി ഡൽഹിയിൽ ഹാജരാകാനുള്ള ഇഡി സമൻസിനെതിരെ പാലക്കാട് സ്വദേശി നൽകിയ ഹർജി ഹൈക്കോടതി തള്ളി.അലനെല്ലൂർ സ്വദേശി എൻ ഉസ്മാൻ നൽകിയ ഹർജിയാണ് തള്ളിയത്.ഡൽഹിയിൽ പോകാൻ തനിക്ക് ഭാഷ അറിയില്ലെന്നും കേരളത്തിലെ ഇഡി ഓഫീസിൽ ഹാജരായി മൊഴി നൽകാൻ അനുവദിക്കണമെന്നുമായിരുന്നു ഉസ്മാന്റെ ഹർജി.

എന്നാൽ കേരളത്തിൽ ചോദ്യം ചെയ്യൽ മാറ്റുന്നത് അന്വേഷണത്തിന് തടസ്സം സൃഷ്ടിക്കുമെന്നും നിരോധിത സംഘടനയായ പിഎഫ്‌ഐയുടെ അക്കൗണ്ടിൽ പണം നിക്ഷേപിച്ചതിന് ഉസ്മാനെതിരെ തെളിവുണ്ടെന്നും ഇഡി വ്യക്തമാക്കി.ഭാഷാ പ്രശ്‌നം പരിഹരിക്കാൻ മലയാളത്തിൽ മൊഴി രേഖപ്പെടുത്താമെന്ന് ഇഡി ഉറപ്പും നൽകി.ഇതേ തുടന്നാണ് കോടതി ഹർജി തള്ളിയത്.രാജ്യ വ്യാപക റെയ്ഡിന് പിന്നാലെയാണ് പിഎഫ്‌ഐയ്‌ക്കെതിരെ ഇഡിയുള്ള കള്ളപ്പണം തടയൽ നിയമ പ്രകാരം അന്വേഷണം ആരംഭിച്ചത്.