ആലപ്പുഴയിൽ വീണ്ടും ഹോട്ടലുകളിൽ റെയ്ഡ്; വിവിധയിടങ്ങളിൽ നിന്ന് പഴകിയ ഭക്ഷണം പിടികൂടി; ഹോട്ടലുകളുടെ പേരുകൾ പുറത്ത്

ആലപ്പുഴ: ആലപ്പുഴയിൽ നഗരസഭ ആരോഗ്യ വിഭാഗത്തിന്റെ റെയ്ഡ്.വിവിധ ഹോട്ടലുകളിൽ നടത്തിയ പരിശോധനയിൽ പഴകിയ ഭക്ഷണസാധനങ്ങൾ പിടിച്ചെടുത്ത് നശിപ്പിച്ചു.ഭക്ഷണം പിടികൂടിയ ഹോട്ടലിന്റെ പേരുകളും അധികൃതർ പുറത്ത് വിട്ടു.

മുല്ലക്കൽ വാർഡിൽ അമ്പാടി ഹോട്ടൽ, ഇന്ത്യൻ കോഫി ഹൗസ്, പൊന്നൂസ്, രാജാ കേശവദാസ്, ഉടുപ്പി, നമസ്‌തേ ടിഫിൻ എന്നീ ഹോട്ടലുകളിലാണ് പരിശോധന നടത്തിയത്.

അമ്പാടി ഹോട്ടലിൽ നിന്നും പഴകിയ ചോറ്, രാജാ കേശവദാസ് ഹോട്ടലിൽ നിന്നും പഴകിയ ഫ്രൈഡ് റൈസ്, നെയ് ചോറ്, ചിക്കൻ ഫ്രൈ, നിരോധിത പ്ലാസ്റ്റിക് കവർ എന്നിവ പിടിച്ചെടുത്തു നശിപ്പിച്ചു.ഇന്ത്യൻ കോഫിഹൗസ്, പൊന്നൂസ്, ഉടുപ്പി, നമസ്‌തേ ടിഫിൻ, എന്നീ ഹോട്ടലുകളിൽ പരിശോധന നടത്തിയെങ്കിലും പഴകിയ ഭക്ഷണ സാധനങ്ങൾ ഒന്നും തന്നെ കണ്ടെത്തിയില്ല.