മാനസിക വെല്ലുവിളി നേരിടുന്ന യുവതിയെ വീട്ടിൽ കയറി പീഡിപ്പിച്ചു; ബന്ധു എത്തിയതോടെ വീട്ടിൽ നിന്നും ഇറങ്ങി ഓടി; പ്രതി പോലീസ് പിടിയിൽ

കോഴിക്കോട്: കോടഞ്ചേരിയിൽ മാനസിക വെല്ലുവിളി നേരിടുന്ന യുവതിയെ വീട്ടിൽ കയറി പീഡിപ്പിച്ചയാൾ പിടിയിൽ. കോഴിക്കോട് കോടഞ്ചേരി കൂടത്തായി സ്വദേശി സൈനുദ്ദീനാണ് അറസ്റ്റിലായത്. യുവതിയുടെ പിതാവും സഹോദരിയും പുറത്തു പോയ അവസരത്തിലാണ് പ്രതി വീട്ടിലെത്തിയത്. ബന്ധുക്കൾ നൽകിയ പരാതിയിലായിരുന്നു കോടഞ്ചേരി പോലീസ് പ്രതിയെ അറസ്റ്റ് ചെയ്തത്.

സംഭവം നടക്കുന്ന സമയത്ത് കിടപ്പു രോഗിയായ 'അമ്മ മാത്രമാണ് വീട്ടിലുണ്ടായിരുന്നത്. എന്നാൽ ബന്ധു വീട്ടിലേക്കെത്തിയതോടെയാണ് സംഭവം പുറത്തറിയുന്നത്. ഇതേ തുടർന്ന് കുടുംബം കോടഞ്ചേരി പോലീസിൽ പരാതി നൽകുകയായിരുന്നു.

യുവതിയുടെ പിതാവും സഹോദരിയും വീടിനു പുറത്തായിരുന്ന യുവതിയെ പീഡിപ്പിക്കാൻ ശ്രമിക്കുന്നതിനിടെയാണ് ബന്ധു വീട്ടിലെത്തിയത്. ഇതോടെ പ്രതി വീട്ടിൽ നിന്നും ഇറങ്ങി ഓടി സംഭവ സ്ഥലത്തു നിന്നും രക്ഷപ്പെടുകയായിരുന്നു. പിന്നീട് ബന്ധുക്കളാണ് പോലീസിൽ പരാതി നൽകിയത്. പ്രതിയെ താമരശ്ശേരി കോടതിയിയിൽ ഹാജരാക്കി റിമാൻഡ് ചെയ്തു.