ന്യൂഡൽഹി: ഏഷ്യയിലെ നൊബേൽ എന്ന് അറിയപ്പെടുന്ന മാഗ്സസെ പുരസ്‌കാരത്തിന് പ്രമുഖ അർബുദ ചികിൽസാവിദഗ്ധൻ ഡോ. ആർ. രവി കണ്ണൻ അർഹനായി. 41 ലക്ഷം രൂപയാണ് അവാർഡ് തുകയായി ലഭിക്കുക.

ആസാമിലെ സിൽചറിൽ നിർധനരോഗികൾക്ക് സൗജന്യചികിൽസയും ഭക്ഷണവും താമസവും നൽകുന്ന കച്ചാർ ആശുപത്രിയുടെ ഡയറക്ടറാണ് അദ്ദേഹം. ചെന്നൈ സ്വദേശിയായ ഡോ. രവി കണ്ണൻ മുമ്പ് അഡയാർ കാൻസർ ഇൻസ്റ്റിറ്റ്യൂട്ട് സർജിക്കൽ ഓങ്കോളജി വിഭാഗം മേധാവിയായിരുന്നു. പത്മശ്രീ പുരസ്‌കാരവും നൽകി രാജ്യം അദ്ദേഹത്തെ ആദരിച്ചിട്ടുണ്ട്.