ട്രെയിൻ നിർത്തും മുമ്പ് ചാടിയിറങ്ങി യുവതി; വീണത് ട്രാക്കിൽ; പിന്നാലെ രക്ഷകരായി ആർപിഎഫ്; സംഭവം തിരൂരിൽ

മലപ്പുറം: ഓടിക്കൊണ്ടിരുന്ന ട്രെയിനിൽ നിന്നും ചാടി ഇറങ്ങാൻ ശ്രമിക്കുന്നതിനിടെ അപകടത്തിൽപ്പെട്ട യുവതിക്ക് ഒടുവിൽ രക്ഷകരായി ആർപിഎഫ് ഉദ്യോഗസ്ഥൻ. കഴിഞ്ഞ ദിവസം മലപ്പുറത്താണ് സംഭവം നടന്നത്.

ട്രെയിൻ നിർത്തും മുൻപ് പ്ലാറ്റ്‌ഫോമിലേക്ക് ചാടി ഇറങ്ങിയ യുവതി പ്ലാറ്റ്‌ഫോമിനും ട്രെയിനിനും ഇടയിലേക്ക് വീഴുകയായിരുന്നു. തിരുവനന്തപുരം-മംഗലാപുരം എക്‌സ്പ്രസിൽ നിന്ന്, സ്റ്റേഷനിൽ വണ്ടി നിർത്തും മുമ്പേ പ്ലാറ്റ്ഫോമിലേക്ക് ചാടി ഇറങ്ങാൻ ശ്രമിച്ച യുവതിക്കാണ് അപകടം സംഭവിച്ചത്.

പ്ലാറ്റ്‌ഫോമിലേക്ക് ചാടി ഇറങ്ങിയ യുവതി പ്ലാറ്റ്‌ഫോമിൻറെയും ട്രെയിനിൻറെയും ഇടയിലേക്ക് വീഴുകയായിരുന്നു . ഇതിനിടെ സംഭവം ശ്രദ്ധയിൽപ്പെട്ട ആർ പി എഫ് ഹെഡ് കോൺസ്റ്റബിൾ ഓടി എത്തി ഇവരെ പിടിച്ച് പ്ലാറ്റ്‌ഫോമിലേക്ക് മാറ്റുകയായിരുന്നു. സംഭവത്തിൻറെ സിസിടിവി ദൃശ്യങ്ങൾ ഇതിനോടകം പുറത്തുവരികയും ചെയ്തിട്ടുണ്ട്. ആർപിഎഫ് ഉദ്യോഗസ്ഥനെ അധികൃതർ അഭിനന്ദിക്കുകയും ചെയ്തു.