ബോധമില്ലാതെ കിടന്ന ആളുടെ വിലപിടിപ്പുള്ള സാധനങ്ങളുമായി കടന്നു; മോഷ്ടാവിനായി തിരച്ചിൽ ഊർജ്ജിതം; ചിത്രം പുറത്ത് വിട്ട് പോലീസ്

തിരുവനന്തപുരം: ബോധമില്ലാതെ കിടന്ന ആളുടെ വിലപിടിപ്പുള്ള സാധനങ്ങൾ മോഷ്ടിച്ചയാൾക്കായി തിരച്ചിൽ ഊർജ്ജിതമാക്കി പോലീസ്. മാല, വാച്ച്, മൊബൈൽ ഫോൺ എന്നിവയാണ് ഇയാൾ എടുത്തു കൊണ്ടു പോയത്. അട്ടകുളങ്ങര ഭാഗത്ത് ബോധമില്ലാതെ കിടന്നയാളുടെ വസ്തുക്കളാണ് മോഷണം പോയത്.

ഇവ മോഷ്ടിച്ചെന്ന് കരുതുന്നയാളുടെ ചിത്രം പോലീസ് പുറത്ത് വിട്ടിട്ടുണ്ട്. ഇയാളെ കുറിച്ച് എന്തെങ്കിലും വിവരണം ലഭിക്കുന്നവർ തിരുവനന്തപുരം ഫോർട്ട് പോലീസ് സ്റ്റേഷനിൽ അറിയിക്കണമെന്നും പോലീസ് അഭ്യര്‍ത്ഥിച്ചു. സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം നടക്കുന്നത്.